Sofia Andres
BINALAAN ng aktres at celebrity mom na si Sofia Andres ang publiko kaugnay ng isang Facebook page na gumagamit sa kanyang pangalan at mga litrato.
Paalala ni Sofia sa lahat, huwag daw basta-basta magtiwala at maniwala sa lahat ng nababasa at napapanood sa social media dahil napakarami nang sindikatong naglipana ngayon.
Sa kanyang Instagram page, ipinost ni Sofia ang screenshot ng fake FB account na nakapangalan sa kanya at meron nang 590,000 followers.
Ang tanging caption na inilagay ni Sofia sa kanyang IG post ay, “Not meeee.”
Baka Bet Mo: Sofia Andres in-unfollow si Daniel Miranda sa Instagram, hiwalay na nga ba?
Isa lamang si Sofia sa mga kilalang celebrities na nabiktima ng mga taong gumagawa ng mga pekeng account sa iba’t ibang platforms para makapangloko ng tao.
Sa pagkakatanda namin, nabiktima rin ng sindikato sa socmed ang Kapuso star na si Carla Abellana kung saan ginamit ang mga litrato niya sa isang fake ad.
Babala noon ni Carla, “Hello, everyone! Please be advised that I do not, never did, and never will use this brand and these products with ads circulating all over social media, particularly on FB.
“This is false advertisement and the page owner has ignored my personal request to remove the ad. I can now proceed to take legal actions against them,” paalala ng aktres.
Baka Bet Mo: #SanaAll: Sofia Andres ipagagawa na ang dream house para sa pamilya
Isa pang nabiktima ng fake account sa Instagram ay ang singer-actor na si Ronnie Liang kung saan ginamit ang pangalan niya para makapag-solicit ng pera.
“I have received reports that this ig account is sending private messages, asking for money, and inviting people for meet-ups. Please be informed that it is an IMPOSTOR and FAKE account.
“I only have one official Instagram account, so if you ever receive private messages from this ronnieliang22 account, please ignore, block, or report them,” warning ni Ronnie sa publiko.
Nadismaya rin ang dating PBA player na si Marc Pingris nang malamang may poser siya sa Facebook at ginamit ang kanyang pangalan para makabenta ng sapatos.
“MAHIYA NAMAN KAYO SA MGA NILOLOKO NYO!!!! GAGAMITIN NYO PA PAMILYA KO PARA MAKABENTA KAYO NG SAPATOS NYO!! TITAN PO LAHAT NAG BIGAY NG SAPATOS KO !!!!
“AT ISA PA WALA AKO FACEBOOK!! IG LANG MERON AKO AT WALA AKO KILALA NA MARCUZ SEBASTIAN DE MESA AT RICHARD UMALI!!! MAHIYA NAMAN KAYO SA MGA TAO!!!! pls share nyo naman to sa facebook.”