Janella, Thai actor Win nagpakilig, nilabas ang trailer ng upcoming film

Janella Salvador, Win Metawin

KILIG to the max ang fans sa first-ever team up movie ng aktres na si Janella Salvador kasama ang Thai actor na si Win Metawin!

Nilabas na kasi kamakailan lang ang official trailer ng kanilang pinagtatambalang pelikula na may titulong “Under Parallel Skies” mula sa direksyon ni Sigrid Bernardo.

Mapapanood sa pasilip na iikot ang istorya sa isang Thai bachelor na nagtungo sa Hong Kong upang hanapin ang nawawalang ina, at nakilala nga niya riyan ang isang Pinay hotelier.

Masasaksihan sa romantic film ang kwento ng pag-ibig at heartbreak ng dalawang tao.

Baka Bet Mo: Kakai Bautista pinagbawalan ng abogado na banggitin ang pangalan ng Thai superstar na si Mario Maurer

Mababasa sa uploaded teaser na maraming fans ang kilig na kilig sa chemistry nina Janella at Win.

Narito ang ilan sa mga nabasa naming komento:

“Janella Salvador gave hype for this teaser. What more for a full movie? We are so proud of you, Jea. We all can’t wait to watch you again on the big screen!” 

“I’m so proud of you Janella Philippines. Win is also amazing. This love team unexpectedly happened but full of chemistry. I watch this 6 times already and I still love it. I can’t wait to watch this in the cinema.”

“Hoy ang cute ng chemistry nila masarap daw ang halik [laughing emoji] I’m so excited na huhu”

“My bunny Win is really growing up so well now. Thank u Janella for giving him a big helping hand in this too.Wish Under Parallel Skies gonna be a great hit!!”

Matatandaang si Win ay sumikat sa buong mundo matapos mag-hit ang pinagbibidahang Thai Boy Love (BL) series na “2gether: The Series” noong 2020. 

Bukod diyan, naging parte rin siya ng Thai adaptation ng “Boys Over Flowers” noong 2021.

Si Janella naman ay isa sa mga kilalang aktres sa Philippine showbiz industry na naging parte ng iba’t ibang serye gaya ng “Please Be Careful With My Heart”, “Wildflower”, “The Killer Bride”, at ang latest nga niyang project ay ang “Darna” kung saan gumanap siya bilang Valentina.

Ang first international project ng dalawa ay unang naging usap-usapan matapos mag-viral sa social media ang pictures nila together noong June 2023.

Makalipas ang isang buwan ay kinumpirma na nga ng production company na 28 Squared Studios na may upcoming project ang bagong love team.

Ang “Under Parallel Skies” ay nakatakdang ipalabas sa mga lokal na sinehan sa Darating na Abril.