MASAYANG ibinandera ni Dominic Roque ang kanyang pakikipag-bonding sa mga kaibigan na miyembro rin ng Nguya Squad.
Sa kanyang Instagram post two days ago ay makikitang kasa-kasama niya ang ilang miyembro ng kanilang grupo na sina Khalil Ramos, Gabbi Garcia, Patrick Sugui, Aeriel Garcia-Sugui, Marco Gumabao at ang dyowa niyang si Christine Reyes.
“Olivia Sugui,” caption ni Dominic na tumutukoy sa baby girl nina Patrick at Aeriel.
Base rin sa hashtags na ginamit ng fiancè ni Bea Alonzo, kuha pa ang larawan noong 2023, birthday ni Khalil.
Baka Bet Mo: Dominic Roque nanghinayang nang maghiwalay ang KathNiel: Nasaktan din ako
Kung matatandaan, miyembro rin ng naturang celebrity circle ang kaka-break lang na sina Kathryn Bernardo at Daniel Padilla.
Kamakailan lang rin nang aminin ni Dominic sa isang panayam na hindi sila in good terms ni Daniel at mula 2020 ay hindi na sila nag-uusap.
“Hindi pa kami okay ni DJ (Padilla). I mean, we’re not talking since 2020. We haven’t seen each other for the longest time since 2020.
“I haven’t been [in contact with Daniel] since then. Matagal na kaming hindi nagu-usap since 2020,” saad ni Dominic.
Ito ay matapos siyang matanong kung invited ba ang KathNiel sa kanilang nalalapit na kasal ni Bea at sinabi nitong tanging si Kathryn lang ang kanyang inimbitahan.