Andrea Brillantes
WALA sa mga plano at top priorities ng Kapamilya star na si Andrea Brillantes ngayong 2024 ang magkaroon ng bagong boyfriend.
Mas gusto muna raw niyang i-enjoy nang bonggang-bongga ang pagiging single lady at mag-focus sa kanyang umaaribang showbiz career.
Sey ni Andrea, naniniwala siyang hindi hinahanap ang pag-ibig dahil kusa itong dumarating sa tamang panahon at pagkakataon.
Sa panayam ng ABS-CBN sa dalaga, natanong siya ng, “Is finding new love part of your goal in 2024?”
Baka Bet Mo: Willie Revillame biglang nagparamdam, magkakaroon rin kaya ng noontime show: Babalik ako
Tugon ng lead star ng hit Kapamilya series na “Senior High”, “New love romantically? Hmmm, not really, hindi po talaga yun yung nasa focus ko.”
Pero agad naman niyang sinabi na bukas pa rin ang kanyang puso na magmahal uli at wala rin siyang nararamdamang parang trauma sa mga lalaki sa kabila ng ilang beses na niyang pagkabigo sa larangan ng pakikipagrelasyon.
“Never ko pong isasara yung heart ko and yung doors ko for love. I mean, I’m only turning 21 this year, but really wala talaga siya sa focus ko. Wala siya sa vision board ko,” mariin pa niyang sabi.
Napakaraming hinarap na isyu at kontrobersiya ni Andrea noong 2023, kabilang na riyan ang pinag-usapang breakup nila ni Ricci Rivero at ang pagkakadawit niya sa hiwalayang Daniel Padilla at Kathryn Bernardo.
Baka Bet Mo: Ang hirap pa ring mag-convince ng tao na manood sa sinehan – Paulo Avelino
Dahil dito, talaga namang nakatikim ng kaliwa’t kanang batikos at pambabastos ang dalaga, lalo na sa mga fans ng KathNiel.
Sa naturang panayam, inamin ni Andrea na hindi naging madali para sa kanya ang pagharap at paglaban sa mga pinagdaanang pagsubok. Pero ginawa raw niya ang lahat para hindi maapektuhan nang todo.
“To be honest po, talagang puro lang po ako church. I was just strengthening my relationship with God and naniniwala lang po ako sa kanya and yun lang po.
“When you seek God, you find peace. I found naman, I wasn’t really at peace, I had peace through Him,” aniya pa.
“And my family, solid naman po kami and my friends. Patuloy lang po, doing good lang and trabaho lang nang trabaho.
“It wasn’t easy, but it wasn’t really hard kasi buo naman po kasi yung faith ko. So, hindi ko siya sasabihing mahirap, hindi ko rin naman sasabihing madali siya.
“May moments na mahirap pero at the end of the day babalik pa rin ako sa [tanong na] ‘Why I am here?’ babalik ako sa family ko, babalik ako sa mga pangarap ko in life, at babalik ako sa kanya (sa Panginoong Diyos),” lahad pa ni Andrea.