Kylie Padilla: ‘I’m not Christian but I believe in the spirit of Christmas’
PHOTO: Instagram/@kylienicolepadilla
IBA man ang kanyang relihiyon, naniniwala pa rin ang aktres na si Kylie Padilla sa diwa ng Pasko.
‘Yan mismo ang kanyang inihayag sa kanyang latest Instagram post ngayong ipinagdiriwang ng maraming Pilipino ang nasabing okasyon.
“I am not Christian but I believe in the spirit of Christmas, the spirit of giving, the spirit of family,” caption ni Kylie.
Nakwento rin ng aktres ang ilan sa mga ginawa niya ngayong Christmas at isa na riyan ang magdasal, mag-reflect at mag-meditate.
Sey pa niya, super grateful siya na masilayan ang huling full moon para sa taong ito.
Baka Bet Mo: Sey ni Kylie ngayong single na uli siya: Ang dami kong natututunan sa sarili ko…pero siyempre, masakit pa rin
“This year was a wobbly, blurred but healing and revealing year. It gave birth to a clearer vision and more focused direction,” wika niya sa post.
Patuloy niya, “I also took some of my power back this year. Also I am slowly learning how to better distribute my energy to people even through social media. Sometimes the drain be draining huhu.”
“But anyways like I said the more obvious resounding feeling is gratitude. Amen for all things [sparkling emoji],” aniya pa.
View this post on Instagram
Kung maaalala, ibinandera ni Kylie ang naging simple Christmas celebration last year kasama ang dalawang anak na sina Alas Joaquin at Axl Romeo.
Ayon pa sa kanya, ang mga anak niya ang best gift na natanggap niya.
Matatandaan noong July 2021 nang kumpirmahin ng ama ni Kylie na si Senador Robinhood Padilla na hiwalay na ang kanyang anak kay Aljur matapos ang dalawang taong kasal.
Ito naman ay kinumpirma mismo ni Kylie at Aljur sa magkahiwalay na social media posts.
Sa kasalukuyan ay may kanya-kanyang partner na ang dating mag-asawa.
Noong Valentine’s Day ay ibinunyag ni Aj ang real score nila ni Aljur, habang si Kylie naman ay masaya na sa dyowa niya na isang tattoo artist at ito ay inilantad niya noong Enero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.