![Cristy Fermin: May ilalaban ‘yung Andrea, wala talagang binatbat si Kathryn](https://bandera.inquirer.net/files/2023/11/Cristy-1024x768.jpg)
Cristy Fermin, Kathryn Bernardo, at Andrea Brillantes
IBINAHAGI ng kolumnistang si Cristy Fermin ang kanyang obserbasyon sa pisikal na katangian ng Kapamilya actresses na sina Kathryn Bernardo at Andrea Brillantes.
Sa kaniyang latest episode ng “Showbiz Now Na” kasama sina Wendell Alvarez at Romel Chika, tinalakay nila ang hindi mamatay-matay na isyung diumano’y paghihiwalay ng KathNiel kung saan damay si Andrea.
Habang pinag-uusapan ng tatlo ang isyu ay nabanggit ni Wendell kina Cristy at Romel na may nakita siyang collage photos ng dalawang Kapamilya actress na pinagkumpara sa social media.
“May dibdib siya [si Andrea] tapos si Kathryn naman flat… Siyempre mas maraming bumoto kay Andrea tapos siyempre ‘yung lips niyang naka-pout tapos si Kathryn daw flat. Tapos sa skin… Dry daw si Kath,” chika ni Wendell.
Singit ni Cristy, “Pero [kung] postura at postura, talagang may ilalaban ‘yung Andrea. Wala talagang binatbat si Kathryn. Tanggapin natin ang katotohanan. Paglakad, pagrampa lalong wala ‘di ba. Model-model talaga si Andrea. Hindi siya pupuwedeng mapintasan sa ganoon.”
Baka Bet Mo: Vice Ganda tinawag na ‘hindi tunay na babae’ ni Cristy Fermin
Pinag-usapan rin nila Cristy, Wendell, at Romel ang paraan ng pananamit nina Andrea at Kathryn kung saan sinabi nitong parang “manang” ang pananamit ni Kathryn samantalang sexy outfits naman ang mayroon si Andrea.
Marami naman sa mga netizens ang pumalag sa naging pagkukumpara ng tatlo sa dalawang Kapamilya actress.
Kung ikaw kaya Cristy ikumpara kay Kathryn ? Ang rami mong sinasabi..akala mo naman perpekto kang tao. As in kailangan pa talaga ipagkumpara yung dalawa ? Everybody is unique. Mas okay pa mukha ni Kathryn kaysa sayo.Hay nako,” saad ng isang netizen.
Comment naman ng isa, “May kanya kanya silang katangian at ganda kaya wag mo cla pagkumparahin.”
“Daming alam ni cristy fermin.. Sarili niya di niya mahusgahan! Tanda na chismosa parin,” sey naman ng isa.
Samantala, wala pa namang pahayag sina Kathryn at Andrea hinggil sa trending topic na ito.