Sarah Lahbati
NAPA-WOW ang madlang netizens sa ibinanderang bagong short hair look ng dating aktres na si Sarah Lahbati.
Nitong Huwebes, November 23, ginulat ng dating aktres ang madlang pipol nang ibandera nito sa kanyang Instagram account ang kanyang pagpapagupit.
Kung dati ay bagay na kay Sarah ang kanyang long hair, mas lalong nangibabaw ang ganda nito sa kanyang bagong hairstyle.
Marami sa mga netizens ang pumuri sa bagong look ng celebrity mom.
“Ethereal beauty talaga si Sarah,” saad ng isang netizen.
Comment naman ni Pauleen Luna-Sotto, “You are beautiful [emoji] inside and out!”
“Sana makita si Ms. Sarah sa Fashion Show and I am praying for more projects for you Godbless,” sey naman ng isa.
Ngunit sa gitna ng mga papuri ay hindi rin maiwasan ng mga netizens ang magkomento kung ito nga ba ang pagbibigay clue ng dating aktres ukol sa kumakalat na chika sa kanila ng asawang si Richard Gutierrez.
Matatandaang hanggang ngayon ay pinag-uusapan pa rin ng madla kung totoo nga bang hiwalay na sila Sarah at Richard.
Isa raw kasi sa mga senyales ng mga babae kapag nagpapagupit ay handa na itong mag-move on sa matinding pinagdaraanan. New hair, new life kumbaga.
“The woman who cuts her hair is about to change her life,” sey ng isang netizen sa post ni Sarah.
Chika pa ng isa, “Now, it is time for you to shine. No reason for anyone to keep you in the background just because you are married and have children.”
“Elegance needs no words, and It is you Sarah. If a person does not see it, it is then that person is blind with something unkind.”
Hanggang ngayon ay hindi pa rin namamatay ang chika ukol sa umano’y hiwalayan ng dalawa.
Hanggang ngayon naman ay nananatiling tahimik ang panig nina Richard at Sarah ukol sa isyu.
Sa kabila nito ay mapapansin pa rin namang suot nila ang kanilang wedding rings sa mga larawang ibinabahagi nila sa social media.