Diego Loyzaga umaming nagpa-rehab: ‘I was self destructive…I was a different person!’
Sa YouTube channel ng wifey ni Direk Paul Soriano na “Toni Talks”, nagkuwento nga si Diego tungkol sa kanyang pagkaka-rehab ilang taon na ngayon ang nakararaan.
Sabi ng aktor, na-rehab daw siya noon sa isang facility para ma-address ang kanyang suicidal tendencies.
“After two years of coming out of rehab, I want to talk about it na. In 2018, I was such in a dark point in my life. Not only friends, not only family.
“Even starting petty quarrels with random people. There were people who were mad at me,” sabi ni Diego.
Tanong ni Toni sa kanya, “Ano ‘yung root cause?”
“It had to do with my upbringing. The people around me. I guess I could say my group of friends noong time na ‘yun, which today, some of them are still my friends. But it was really me. I was the problem at that point of my life,” paliwanag ni Diego.
Reaksyon ni Toni sa naging rebelasyon ni Diego, “Para ka palang kanta ni Taylor Swift. ‘It’s me. Hi, I’m the problem. It’s me’.”
View this post on Instagram
“Yes, that’s true. I was self destructive noong time na ‘yun and I wasn’t aware. So, noong naging aware ako, I fixed myself,” pahayag pa ng aktor.
Sa ngayon, may isa nang anak si Diego sa isang non-showbiz personality pero kahit may anak na, pinanindigan pa rin niya na hindi siya naniniwala sa konsepto ng kasal.
Sabi ni Diego, ayaw niyang maranasan ng kanyang anak ang lumaki nang walang tatay, “I’m trying to be the most supportive dad I can be for the mom and my baby.”
“That’s (when) they really build the character,” ani Diego sabay inalala ang unang pagtatagpo nila ng amang si Cesar nooong 13 years old na siya.
“I was a different person. Kaya lagi kami nagko-collide noon. It took me to reach 28… to finally understand my dad as a human, as a parent,” sabi ng aktor.
Kung noon ang nasa isip ni Diego ay hindi kailangan ng isang anak ang tatay, nag-iba na ito nang magkaanak na siya.
“There’s sometimes like a question mark how I should do things, my character, what I really want. I guess you picked it up from the dad. Di ko paparamdam sa anak ko ‘yung naramdaman ko,” anang aktor.
Ayon pa kay Diego, kahit daw hindi sila kasal ng nanay ng kanyang anak, sinisiguro nila na palagi silang nandiyan para sa pangangailangan ng bata.
Inamin din ni Diego na mahabang panahon pa ang lumipas bago pa niya mainstindihan ang kanyang mga problema at pinagdaraanan, “I’ve climbed out of that pit and I’m so happy.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.