Kazel Kinouchi at Richard Gutierrez
AGAD na inalmahan ng Kapuso actress na si Kazel Kinouchi ang mga chikang may “something” sa pagitan nila ni Richard Gutierrez.
Kumakalat kasi ngayon sa social media ang mga larawan kung saan makikitang nasa iisang lugar at tila magkasama sila ng Kapamilya actor.
Si Kazel ay kilala sa kanyang pagganap bilang “Zoey” sa hit Kapuso series na “Abot Kamay na Pangarap”.
Ayon sa mga larawan ay makikita ang dalawa sa isang Halloween party at kasama rin nila sina Zion at Kai na anak ng aktor sa asawang si Sarah Lahbati.
Kaya naman hindi maiwasan ng madlang pipol ang ma-curious at intrigahin si Kazel lalo na’t napapabalitang tila may pinagdaraanan ang mag-asawang Richard at Sarah.
Sa katunayan, may mga netizens ang hindi na nakapagpigil at nag-comment na sa latest Instagram post ni Kazel.
“Is Richard Gutierrez and you in a relationship?” diretsahang tanong ng netizen kay Kazel.
Sagot ng dalaga, “NO.”
May isa pang nagsasabing dismayado siya kay Kazel.
Hirit pa nito, pina-follow pa man din siya ng asawa ni Richard.
Tugon ni Kazel, “Get a life, seriously.”
Isang netizen naman ang nagsabi na huwag sanang pumatol ang Kapuso actress sa may asawa na at huwag sirain ang kanyang magandang karera.
“KAZEL PLS LANG WAG NA WAG KA PAPATOL SA MAY SABIT NA. WAG MO SIRAIN KARIR MO NAPAKAGANDA MO AT MAGALING KA ARTISTA YOU HAVE A BRIGHT FUTURE AHEAD DI MO KELANGAN MAKALADKAD SA MGA ISSUE PARA SUMIKAT MAGALING KA NA AT LALO KA PA GAGALING.”
Sagot nito, “Don’t believe everything you see on the internet.”
Samantala, wala pa namang tugon o reaksiyon, o pahayag si Richard ukol sa isyung pagka-link nila ni Kazel Kinouchi.
Related Chika:
Richard Gutierrez inspirasyon si Coco Martin para lalong galingan sa trabaho: Wala siyang kapaguran…