Kaila Estrada
INAMIN ng Kapamilya actress na si Kaila Estrada na sa ngayon ay hindi pa siya ready na makasama sa trabaho ang mga magulang na sina Janice de Belen at John Estrada.
Sa kanyang interview kay Ogie Diaz na uploaded nitong Huwebes, November 16, nausisa ang “Linlang” star kung bet nga ba niyang makatrabaho ang mga magulang someday bilang pare-parehas silang nasa showbiz industry.
Sagot ni Kaila, sa ngayon ay hindi pa siya handa na makasama sa iisang proyekto ang mga magulang.
“May ganung factor, parang nahihiya ako, parang sa ngayon, di ko siya ma-imagine. Siguro kasi, nahihiya akong magkamali sa harap nila. I think that’s part of it.
“Tsaka siyempre, it’s a different environment. Yung work environment, so hindi ako sanay na kasama sila sa ganung environment, pero someday, sana maka-work ko sila,” pagbabahagi ni Kaila.
Pero sa ngayon raw ay ayaw muna niya.
Nais pa ni Kaila na maka-gain ng mga experiences sa pag-arte bago siya sumabak sa aktingan kasama sina Janice at John.
“Oo, parang gusto ko mung mag-gain yung experience, confidence, bago mangyari yung moment na yun na mag-work kami, but someday,” sey pa ng aktres.
Nakikita naman ni Kaila na magiging masaya ang experience niya sakaling makatrabaho na niya ang mga magulang.
Isa ang dalaga sa mga puring-puring artista ngayon ng madlang netizens lalo na sa magaling nitong pag-arte sa hit series na “Linlang” kung saan kasama niya sina Kim Chiu, Paulo Avelino, at JM de Guzman.
Super happy nga si Kaila dahil unti-unti na siyang nakikilala dahil sa sarili niya at hindi na masyadong naba-brand bilang “anak ni Janice” o “anak ni John”.
“Kapag ganun po kinikilig ako talaga kasi ngayon ko lang po ‘yun na-experience e. ‘Yung instead of it being ‘Oh, anak ni Janice’ o ‘anak ni John’, parang nakikilala na nila ako for my own characters kaya natutuwa ako.
“Although grateful pa rin naman ako sa pagiging anak ni Janice pero ‘wag lang akong tawaging tyanak,” natatawang sey ni Kaila.
Related Chika: