Patrick Dempsey naungusan si Chris Evans bilang ‘Sexiest Man Alive’ ngayong 2023
MAY bago nang “Sexiext Man Alive” ang American magazine na People!
Siya’y walang iba kundi ang “Grey’s Anatomy” actor na si Patrick Dempsey.
Nakuha niya ang titulo mula sa 2022 honoree at “Captain America” star na si Chris Evans.
Sa panayam ng nasabing magazine, sinabi ni Patrick na nagulat talaga siya nang malaman ang balitang ito at ang akala pa nga raw niya ay niloloko lang siya.
“I’ve always been the bridesmaid! I’d completely forgotten about it and never even contemplated being in this position. So my ego is good,” sey niya matapos tanungin ang kanyang initial reaction.
Baka Bet Mo: Jo Koy ka-level na si Chris Evans, nakasama rin sa ‘2022 Sexiest Man Alive’
Dagdag pa niya, “It’s nice to have the recognition, and certainly my ego takes a little bump, but it gives me the platform to use it for something positive.”
Kasunod niyan ay ibinahagi ng aktor ang posibleng maging reaksyon ng kanyang pamilya.
Para sa kaalaman ng marami, si Patrick ay ikinasal sa makeup artist at beauty line founder na si Jillian.
Mayroon silang tatlong anak na si Talula at kambal na sina Sullivan at Darby.
“They’re just going to make fun of me and pick on me and figure out every reason why I shouldn’t be,” sey niya.
Aniya pa, “Which is good, they keep me young.”
Ilan lamang sa mga pinagbibidahan ng Hollywood star ay ang “Grey’s Anatomy” ng ABC na may halos 250 episodes.
Ang karakter niya riyan ay bilang heartthrob neurosurgeon na si Derek “McDreamy” Shepherd.
Sikat din siya sa musical film na “Enchanted” kung saan gumanap siya bilang prince charming noong 2007.
Sa darating na Disyembre, tampok si Patrick sa biopic film na pinamagatang “Ferrari” na mula sa direksyon ni Michael Mann.
Samantala, ang ilan pang kasama sa listahan ng “Sexiest Man Alive” ay sina Michael B. Jordan, John Legend, Paul Rudd, Brad Pitt, Harrison Ford at Mel Gibson.
Related Chika:
Paolo Paraiso ikinasal na sa kanyang non-showbiz dyowa: ‘I am the luckiest man alive’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.