Chris Evans 2 beses ikinasal kay Alba Baptista, aminadong enjoy na enjoy ang ‘married life’
Chris Evans, Alba Baptista
OPISYAL nang kinumpirma ng “Captain Marvel” star na si Chris Evans na “happily married” na siya sa Hollywood actress na si Alba Baptista.
Pagbubunyag pa ng aktor, hindi lang isang beses sila ikinasal, kundi dalawa!
Bukod pa raw sa naging private ceremony sa Boston, Massachusetts sa Amerika ay mayroon din daw sa Portugal.
“I got married,” sey ni Chris sa dinaluhang New York Comic Con noong October 14.
“It was really, really great. We kind of had two ceremonies on the East Coast. We did one in Portugal. My wife is Portuguese. They were wonderful and beautiful,” kwento pa niya base sa inilabas na video clip ng American media outlet na Entertainment Tonight.
Bukod sa video, kapansin-pansin din sa mga litrato ng superhero actor na may suot na siyang gold wedding ring.
Nabanggit din ni Chris sa interview ng nasabing event na pareho nila ine-enjoy ng kanyang misis ang isa’t-isa.
“For those of you who are married, it takes a lot out of you. But now we’re through that, we’ve kinda just been enjoying life, gearing up for autumn. It’s the best time of year right now,” sambit ng Hollywood actor.
Aniya pa, “Now we’re just relaxing and enjoying life and reflecting.”
View this post on Instagram
Kung maaalala, noong nakaraang buwan lamang nang kumalat ang mga balitang ikinasal na ang dalawa sa Massachusetts.
Paglalarawan sa report ng Page Six, tila nagkaroon ng “locked down” sa seremonya kung saan ang mga bisita ay kinailangang pumirma ng non-disclosure agreement, pati ang mga cellphone ay ipinagbabawal.
Base naman sa American weekly magazine na People, present sa kasal ang “Iron Man” star na si Robert Downey Jr. at misis na si Susan Downey, “Thor” star na si Chris Hemsworth at wife na si Elsa Pataky, at ang “A Quiet Place” actors na sina John Krasinski at Emily Blunt.
Kung maaalala, noong Enero lamang nang kinumpirma ni Chris ang real score nila ni Alba sa pamamagitan ng compilation video na ibinandera sa Instagram Stories.
Noong November 2022 nang iniulat ng People na isang taong nang magka-date sina Chris at Alba.
Ayon pa sa nasabing magazine, seryoso umano ang dalawa sa kanilang relasyon at bet din daw ng pamilya ni Chris ang babae.
Ang latest movie project ni Alba ay ang kanyang pagganap sa comedy drama film na “Mrs. Harris Goes to Paris.”
Tampok din siya sa fantasy drama series ng Netflix na “Warrior Nun.”
Isa ring award-winning actress si Alba na kung saan ay nakatanggap siya ng “Shooting Star” award sa Berlin Film Festival.
Samantala, itinanghal naman kamakailan si Chris ng People’s magazine bilang “Sexiest Man Alive” nitong 2022.
Related Chika:
Jo Koy ka-level na si Chris Evans, nakasama rin sa ‘2022 Sexiest Man Alive’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.