Chris Evans, Alba Baptista ikinasal na; Iron Man at Thor present sa seremonya
PHOTO: Instagram Stories/@teamcevans
MUKHANG next level na ang relasyon ng Hollywood celebrity couple na sina Chris Evans at Alba Baptista!
Ayon kasi sa mga ulat ng ilang US media, married na ang dalawa at isinagawa ang intimate wedding sa Boston, Massachusetts.
Paglalarawan sa report ng Page Six, tila nagkaroon ng “locked down” sa seremonya kung saan ang mga bisita ay kinailangang pumirma ng non-disclosure agreement, pati ang mga cellphone ay ipinagbabawal.
Base naman sa American weekly magazine na People, present sa kasal ang “Iron Man” star na si Robert Downey Jr. at misis na si Susan Downey, “Thor” star na si Chris Hemsworth at wife na si Elsa Pataky, at ang “A Quiet Place” actors na sina John Krasinski at Emily Blunt.
As of this writing, wala pang kumpirmasyon mula kina Chris at Alba na nagpapatotoo sa mga kumakalat na ulat.
Kung maaalala, noong Enero lamang nang kinumpirma ni Chris ang real score nila ni Alba sa pamamagitan ng compilation video na ibinandera sa Instagram Stories.
Noong November 2022 nang iniulat ng People na isang taong nang magka-date sina Chris at Alba.
Kinumpirma raw ito ng isang pinagkakatiwalaan nilang source.
Ayon pa sa nasabing magazine, seryoso umano ang dalawa sa kanilang relasyon at bet din daw ng pamilya ni Chris ang babae.
“The two have been dating for over a year and it’s serious,” saad sa balita, “They are in love and Chris has never been happier. His family and friends all adore her.”
Ang latest movie project ni Alba ay ang kanyang pagganap sa comedy drama film na “Mrs. Harris Goes to Paris.”
Tampok din siya sa fantasy drama series ng Netflix na “Warrior Nun.”
Isa ring award-winning actress si Alba na kung saan ay nakatanggap siya ng “Shooting Star” award sa Berlin Film Festival.
Samantala, itinanghal naman kamakailan si Chris ng People’s magazine bilang “Sexiest Man Alive” nitong 2022.
Related Chika:
Jo Koy ka-level na si Chris Evans, nakasama rin sa ‘2022 Sexiest Man Alive’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.