Nikki de Moura bigong makapasok sa Top 20 ng Miss Grand International 2023
Nikki de Moura
NATAPOS agad ang journey ng Filipina beauty queen na si Nikki de Moura sa ginaganap ngayong Miss Grand International 2023.
Bigong makapasok ang bet ng Pilipinas sa Top 20 ng Miss Grand International 2023 grand coronation night sa Ho Chi Minh City, Vietnam.
Hindi na siya umusad sa susunod na round kung saan napili sa Top 20 ang mga kandidata mula sa Myanmar, United States, Puerto Rico, Nigeria, Czech Republic, Indonesia, Honduras, Laos, Dominican Republic, Colombia, India, Ukraine, Thailand, Peru, Angola, Netherlands, Uzbekistan, France, Spain, at Vietnam.
Baka Bet Mo: Nikki de Moura mula Cagayan de Oro City waging Miss Grand Philippines 2023
Sa next round naman ipinakilala ang pasok sa Top 10, at yan ay ang mga representative mula sa Angola, Colombia, Dominican Republic, Indonesia, Myanmar, Netherlands, Peru, Thailand, United States at Vietnam.
View this post on Instagram
Sa mga hindi pa masyadong aware, sa 11 years ng Miss Grand International ay wala pa ni isang Pinay candidate ang nakakapag-uwi ng mailap na titulo at korona.
Parehong naging 1st runner-up ang sa nasabing international pageant ang mga Filipina beauty queen na sina Nicole Cordoves (2016) at Samantha Bernardo (2020).
Ito ang dahilab kung bakit tinatawag ng mga Pinoy pageant fans ang Miss Grand International na isang “cooking show” na pag-aaro ng Thai na si Nawat Itsaragrisil.
Bumuhos naman ang pagbati ng mga Filipino kay Nikki kahit na hindi siya nakapasok sa Top 20.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.