Bretman Rock muling inokray si Vanessa Hudgens: ‘I didn’t even hear the second name, who was that?’
Vanessa Hudgens at Bretman Rock
MULING pinasaringan ng social media influencer at content creator na si Bretman Rock ang Hollywood actress na si Vanessa Hudgens.
Usap-usapan na naman ng mga netizens ang patutsada ng Filipino-American social media influencer kay Vanessa nang ma-interview siya sa isang event kamakailan.
Ang tinutukoy namin ay ang pagrampa ni Bretman sa red-carpet premiere ng Star Cinema blockbuster movie na “A Very Good Girl” sa US na pinagbibidahan nina Kathryn Bernardo at Dolly de Leon.
Viral na ngayon ang interview ng isang reporter kay Bretman na um-attend sa naturang premiere night.
Baka Bet Mo: Bea Alonzo super kinilig sa pagkikita nila ni Bretman Rock, tinawag pa siyang ‘Queen’; Dominic Roque inggit na inggit
Dito, sumabak si Bretman sa “This or That” challenge kung saan kailangan niyang pumili sa mga babanggiting Filipino-American musicians.
View this post on Instagram
Ang unang tanong, “Olivia Rodrigo or Vanessa Hudgens?” na sinagot agad ni Bretman ng “Olivia Rodrigo.”
Sumunod na hirit ni Bretman na tila nang-aasar, “I didn’t even hear the second name. Who was that?”
Baka Bet Mo: Pinoy internet star Bretman Rock may ‘alay’ sa lahat ng batang beki sa Pinas
Sagot naman sa kanya ng reporter, “Vanessa Hudgens!”
“Olivia Rodrigo?” ang muling banggit ni Bretman, na halatang iniwasan talaga ang pagbanggit sa pangalan ni Vanessa.
View this post on Instagram
Kung matatandaan, unang pinatutsadahan ni Bretman ang Hollywood singer-actress at “High School Musical” star sa isa niyang social media post.
Sa isang Instagram post ni Vanessa tungkol sa pagbabakasyon niya sa Palawan ay sinabi nitong proud daw siya sa kanyang pinanggalingan.
May netizen naman ang nam-bash sa international star at nagkomento ng, “Vanessa Hudgens is shaking.”
Ang hirit naman ni Bretman sa nang-okray kay Vanessa ay, B**** can’t even say Palawan.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.