Mark Herras at Rainier Castillo
NAGKALAGLAGAN ang magkaibigang Kapuso stars na sina Mark Herras at Rainier Castillo tungkol sa pagiging playboy.
Knows n’yo ba na sa likod ng “bad boy” at “babaero” image ni Mark ay isa siyang dakilang torpe at aminadong hindi marunong manligaw noon sa mga girls.
Sa Tuesday episode ng “Fast Talk with Boy Abunda”, mismong si Rainier ang nambuking sa kaibigan at batchmate sa “StarStruck” Season 1 na mahina ang aktor pagdating sa panliligaw.
Nang sabihin ni Tito Boy na kilala si Mark sa showbiz bilang babaero, biglang umapela si Rainier, “Hindi po totoo ‘yan! Wala pong katotohanan ‘yan! Hindi ito marunong manligaw Tito Boy.”
Hirit naman ni Mark, “Tito Boy, lagi akong napagkakamalan na ako ‘yung babaero. Ito (sabay turo kay Rainier) ‘yung babaero!
“Madaldal lang ako Tito Boy. Pero kapag meron siyang type, ‘Hoy lapitan mo,’” sey pa ni Rainier kapag daw may nagugustuhang babae.
“Eh, ako malakas ang loob ko, ako ‘yung lumalapit, ‘Gusto kang makilala ni Mark.’ ‘Pag nakita, ang pogi eh,” natatawa pang chika pa ni Rainier.
Baka Bet Mo: Bakit natsugi si Juliana Parizcova sa titulo ng pelikula nina Andrew E, Dennis at Janno?
Pagdepensa naman ni Mark sa kanyang “bad boy” image, “Mahiyain ako Tito Boy eh. Wala lang sa image ko Tito Boy, mahiyain ako, torpe tsaka conservative.
Hirit uli ni Rainier, “Sa tingin ko po noong umpisa hindi siya marunong. Noong tumagal, napag-aralan na niya ‘yung mga technic.”
Pero in fairness, eventually ay natuto ring manligaw si Mark kapag may natitipuhang girlalu, “Kasi malambing ako Tito Boy.
“Ako ‘yung tipo siguro ng lalaki na wala pa kayong relasyon, kunwari first time niyong magkausap sa text, kung iti-treat ko ‘yung babae parang akala mo jowa ko na, ‘Hi kumain ka na?’”
“More on touchy ako Tito Boy, malambing nga kasi ako,” aniya pa.
Sey naman ni Rainier, sinisimulan niya ang panliligaw sa pamamagitan ng cool na chikahan, “Kinakausap ko lang po nang normal.”
Samantala, diretsahan ding inamin ni Mark na pinormahan niya noon sina Jennylyn Mercado at Cristine Reyes na mga ka-batchmate sa “StarStruck”.
Dagdag pa niya, nagkaroon din siya ng tatlong dyowa sa showbiz. Taong 2021 naman nang pakasalan ni Mark ang Kapuso actress na si Nicole Donesa at biniyayaan sila ng isang anak, si Baby Corky.
Female singer na tumalo kay Regine sa mga amateur singing contest noon pumanaw na
Andrea hindi payag na manligaw sa iba si Seth: Hindi ka pwedeng mag-commit sa dalawa