ANUNSYO: LRT-1, LRT-2 nagpatupad na ng taas-pasahe ngayong Agosto
PHOTO: Philippine Daily Inquirer
ABISO sa lahat ng commuters na sumasakay ng LRT trains!
Nagsimula nang ipatupad sa LRT-1 at LRT-2 ang bagong fare adjustment o karagdagang singil sa pasahe ngayong buwan ng Agosto.
Ayon sa inaprubahan ng Department of Transportation (DOTr), ang dating P11 na minimum boarding fee ay tumaas na ng P13.29.
Habang ang dating P1 para sa bawat kilometrong biyahe ay ginawa nang P1.21.
Kasabay niyan ay itinaas na rin ang minimum na pamasahe para sa stored value card o “beep card.”
Baka Bet Mo: PNR hindi na masasakyan ng commuters simula sa Disyembre
Mula sa kasalukuyang P12 ay magiging P14 na ito.
Magiging P33 naman ang maximum fare (Recto Station hanggang Antipolo Station) mula sa dating P28.
Kung Single Journey Ticket (SJT) ang gamit ninyo, mananatili sa P15 ang minimum fare, habang ang maximum fare ay nagtaas na ng P35 (Recto Station hanggang Antipolo Station) mula sa dating P30.
Ayon sa DOTr, gagamitin ang karagdagang pamasahe para sa pagsasaayos at pagpapabuti ng mga pasilidad at serbisyo ng mga tren.
Nilinaw rin ng ahensya na nagbibigay pa rin sila ng 20% discount sa mga pasaherong senior citizen, person with disability (PWD) at mga estudyante.
Payo ng Light Rail Transit Authority (LRTA), mas mainam kung gagamit ng stored value card o beep card upang makatipid at makaiwas sa abala.
Kung maaalala, taong 2015 pa nang huling nagpatupad ng fare hike ang dalawang rail system.
Read more:
Mahigit 50k SIM na ginamit sa panloloko nayari, deactivated at blocked na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.