Elijah Canlas at Miles Ocampo
UMAASA at ipinagdarasal ng award-winning young actor na si Elijah Canlas na si Miles Ocampo na nga ang huling magiging girlfriend niya.
Ito naman daw lagi ang mindset ng binata kapag pumapasok sa seryosong relasyon, hindi naman daw siya yung tipo ng lalaki na pinaiiral ang isang kasabihan sa pakikipagrelasyon na “collect and collect then select.”
“I always go into relationships thinking that hindi ako magco-commit into a monogamous relationship kung hindi po yun ang mindset ko.
“So yes. We’ve been together for two years and we are still having fun. Nandoon pa rin po ang isip ko,” ang pahayag ni Elijah sa chikahan nila ng dating TV host na si Butch Francisco.
Inamin din ng aktor na, “Dati may rule pa ako sa sarili ko na medyo stupid rule. Pero siyempre I am trying to be a professional so I don’t want to date people that I work with pero iba si Miles.
“Nae-enjoy ko rin po ‘yung tandem namin because we have the same line of work and we have the same career. We understand each other. Naiintindihan namin ang trabaho ng isa’t isa,” pahayag ni Elijah.
Baka Bet Mo: Elijah Canlas inaming ‘the one’ si Miles Ocampo: ‘Pag nagmahal po kasi ako buong-buo po talaga
Ipinagdiinan din niya na ang isa talaga sa pinakamahalagang factor sa relasyon ay ang, “Communication po talaga siguro, lalo na ngayon na we are spoiled with instant communication with social media, calls and the internet.
“Pero iba ‘yung communication on a deeper level na isang tingin pa lang, mas nagkakaintindihan na kayo. I think nakukuha naman ‘yun over time,” saad pa ng binata.
Sa isa pang panayam, natanong din si Elijah kung bakit nag-click sila ni Miles, “We were discussing this only recently, why we think we are compatible, and we realized that it’s because of a lot of reasons. One is that we’re both old souls.
“On the negative side, we both tend to overthink. We’re also very passionate about what we do. We find a lot of things funny about each other.
“For some reason, even if I’m really taking myself seriously, she would laugh really hard at me. I’ve never done comedy in my life, but I feel like I’m a comedian in front of her. Miles is naturally bubbly and funny,” ang punto ni Elijah.