TALAGA namang laughtrip ang naging hatid ng mga banat ng Kapuso couple na sina Jeric Gonzales at Rabiya Mateo sa mga naging sagot nito sa “Fast Talk with Boy Abunda” nitong Huwebes, July 20.
Tila may halong pagka-berde kasi ang sagot ng dalawa lalo na nang sabihin ni Rabiya na puwet ang sexiest part ng dyowa at madaling araw ang best time para sa kanilang “happiness”.
Ngunit naging seryoso naman sina Rabiya at Jeric nang tanungin na sila patungkol sa kanilang relasyon.
Matatandaang nag-break na noon ang dalawa ngunit noong February 2023 nang kumpirmahin nilang nagkabalikan sila.
“Hindi ko talaga natiis, hindi ko siya natiis. Ibig sabihin, true love talaga yon,” kuwento ni Jeric sa dahilan ng kanilang come back ni Rabiya.
Nakumusta rin ni Boy ang ganap sa mga kanilang karera sa showbiz.
““Yung career namin, individual talaga. Hindi kami as a love team. I think that’s the beauty in it kasi since hindi kami magkasama sa work, pagdating sa bahay, parang siya ang pahinga ko,” lahad ni Rabiya.
Bandera IG
Baka Bet Mo: Rabiya ipinaglaban ang pag-ibig kay Jeric: Ang dami kong isinakripisyo, kapag nagmahal po talaga ako all-out
At dahil sa naging sagot ng beauty queen-actress ay binalingan naman niya si Jeric.
“Ganda naman niyan. ‘Siya ang pahinga ko’. Kung pahinga ka ni Rabiya, ano siya sa yo?” tanong ni Boy.
“Sa kanya ako napapagod,” walang malisyang sagot ni Jeric.
“Hindi ko kinakaya ito,” nalolokang sabi ni Tito Boy kina Rabiya at Jeric.
Agad namang napakomento ang mga netizens kung paano ba siya pinapagod ng beauty queen.
“Anong klaseng pagod ba yung ginagawa sa’yo ni Rabiya, Jeric? Hahaha,” saad ng isang netizen.
Comment naman ng isa, “Parang dalawang meaning ng pagkapagod ang naiisip ko hahaha.”
“Masyado mo namang pinapagod si Jeric, Rabiya! Kakaloka haha,” sey naman ng isa.
Hirit naman ng isa, “Kung ganyan naman kasi kaguwapo at kacharming ang jowa mo, papagurin mo talaga hahaha.”
Samantala, wala pang inilalabas na reaksiyon o pahayag sina Rabiya at Jeric ukol rito.
Related Chika:
Rabiya Mateo ‘nagtatakbo’ nang akalaing magpo-propose na si Jeric Gonzales: ‘And I said YES!’
Confirmed: Jeric Gonzales, Rabiya Mateo nagkabalikan makalipas ang ilang buwang hiwalayan