Jerald Napoles at Kim Molina
SURE na sure kaming ikatutuwa ng mga KimJe fans ang pagpapatuloy ng kanilang paboritong fun-serye sa TV5, ang “Team A”.
This time, dobleng katatawanan at mga sorpresa ang hatid ng “Team A Season 2”. Dahil nga sa matagumpay na maiden season nito, nagbabalik ang Team A para sa all-new season nito na mapapanood na sa TV5 simula sa July 15.
Matatandaang sa unang season ng “Team A,” naging kumplikado ang simple at masayang pamumuhay nina Ian (Jerald Napoles) at Janet (Kim Molina), kasama ang kanilang nag-iisang anak na si Yeye ( Gianna Iguiron), dahil sa patuloy na pagbabangayan ng kanilang mga magulang, ang nanay ni Janet at tatay ni Ian.
May mga hatid na sorpresa din ang nakaraang season finale ng “Team A”, kasama na rito ang pagkansela ni Ian sa kanyang trip to South Korea at ang pagdiskubre niya ng pregnancy test na nag-iwan ng malaking misteryo kung sino nga ba ang tunay na nagdadalantang-tao sa kanilang pamilya.
Sa Season 2 ng programa, ang real-life couple at multi-talented artists na sina Kim at Jerald, o mas kilala bilang KimJe sa kanilang mga fans, ay patuloy na gagampanan ang kanilang roles bilang mag-asawa sa makulit at masayang Ambida Family, ang “Team A.”
Baka Bet Mo: Kim Molina at Jerald Napoles excited sa bagong ‘blessing’, bibida sa bagong comedy serye
Sa kanilang bagong tahanan sa Friendly Village, magugulo ang kanilang tahimik na buhay sa pagsulpot ng isang di inaasahang karakter na susubok sa relasyon ng mag-asawa.
Kukumpleto sa kwelang cast ng “Team A Season 2” sina Yayo Aguila, Gene Padilla, Anjo Yllana, Cindy Miranda, Marc Acueza, Ashtine Olviga, at Ethan David na maghahatid ng kabaliwan at katatawanan na mas lalong ikakatuwa ng mga viewers.
Mula sa direksyon ni Mervyn B Brondial at panulat ni Mel Mendoza-Del Rosario, naging posible ang pagbabalik ng Team A sa talento at production expertise ng Cignal, Studio Viva at Sari Sari Channel.
Isama ang buong pamilya at makisaya sa Ambida Family sa premiere ng “Team A Season 2” ngayong Hulyo 15 at tuwing Sabado ng 5 p.m. sa TV5.
Sharon may pa-throwback paandar para kay Frankie; ibinandera rin ang pagliit ng ‘size’