Guess, Guess who!? Ma-gets n’yo kaya kung sino siya?
NANGANGAMOY ang hiwalayan ng isang talent manager at ng alaga niyang aktres dahil sa problemang hindi maayos-ayos.
Nabuking lang ito dahil nang kukunin na ng aktres ang mga kinita niya sa mga projects ay hindi niya makausap ang talent manager dahil laging nasa meeting at madalas din ay nasa out of town.
Kahit tawagan pa ng aktres ang manager ay hindi nito makontak at laging “cannot be reached” dahil nga out of town daw sabi ng pinagkakatiwalaang tao ng nasabing talent manager.
“Binibigay naman ni ____ (talent manager) ang kita ni ____ (aktres) kaso laging may kulang kasi hindi pa raw nakukulekta sa network at sa ibang movie na natapos dahil tseke at hindi pa nag-good.
Baka Bet Mo: Paolo no comment sa hiwalayan nila ni LJ; masaya pa rin kahit maraming issue
“E, naipon na nang naipon last year pa kasi ‘yung ibang collectibles kaya nagwo-worry na si ____ (aktres) kasi malaki na, kaya kinukulit niya si ____ (talent manager).
“Hindi naman siya sinasagot o binabalikan kasi nga laging wala o busy. In fairness marami rin silang artists sa pangangalaga ni ____ (talent manager) at halos lahat ay may mga projects, mabebenta naman sila sa series, movies at shows sa mga probinsya,” kuwento ng aming source.
Ganito rin daw ang naging problema ng isa pang aktres na umalis na sa poder ng talent manager at hindi rin daw naasikaso ang income tax nito, e, ayaw na ayaw nito na nagkakaproblema sa BIR (Bureau of Internal Revenue).
“Oo, mabuti na lang naayos na ‘yung sa tax ni ___ (umalis na aktres), kundi magbabayad pa siya ng penalty,” sabi pa ng kausap namin.
Bukod sa aktres ay may dalawa pang aktor ang nag-uusap na rin tungkol sa mga kinita nila at plano nilang humingi ng meeting sa talent manager nila na may kaharap na abogado para maayos anuman ang problema.
‘Yung isang talent ni ____ (talent manager) ayaw gawin ‘yung bagong series kung hindi sila magkakausap ng manager niya. Kaya hayun nadi-delay ang taping ng series kasi hinihintay si ____ (talent) kasi malaki ang role niya,” sabi pa ng aming source.
Hindi namin naisip na may problema sa pera ang talent manager dahil kung titingnan naman ay kabilang naman ito sa mga sikat at kilalang manager sa showbiz.
Talent manager, nagbago na; nagmamaganda dahil may alagang beauty queen
Kilalang aktres biglang hiniwalayan ang dyowa para sagutin ang manliligaw na male celeb