Julie Anne, Ken Chan, ‘Voltes V: Legacy’ stars susugod sa Iriga City at Negros Occidental, magpapasabog ng good vibes
Martin del Rosario, Miguel Tanfelix, Radson Flores, Ken Chan at Julie Anne San Jose
MALAKING blessing talaga ang GMA Kapuso Foundation (GMAKF) sa mga Pilipino dahil patuloy pa rin sila sa pag-aabot ng tulong sa mga nangangailangan saan mang panig ng bansa.
Nitong Mayo lang, tatlong malalaking proyekto ang inorganisa ng GMAKF.
Para sa Mother’s Day, naghandog ang GMAKF ng free breast examination at pap smear tests, at cervical at breast cancer awareness lectures sa ilang nanay sa San Luis, Batangas; Natonin, Mountain Province; at Victoria, Tarlac.
Nag-offer din sila ng ECG, blood sugar tests, at hypertension awareness lectures sa Gabaldon, Nueva Ecija at Brgy. Mabatang, Abucay, Bataan bilang paggunita sa Hypertension Awareness Month.
May ipinagagawa rin itong Kapuso School Building sa Binibitinan Elementary School sa Polillo, Quezon na nasira dahil sa Super Typhoon Karding noong nakaraang taon.
Baka Bet Mo: Miss Negros Occidental Gwendolyne Fourniol itinanghal na Miss World PH 2022
Bilang isa sa mga trusted media-based foundations na accredited ng DSWD, PCNC, at BIR, ang mga donasyon sa GMAKF ay 100 percent tax deductible.
For sure, marami pa silang mahahatiran ng biyaya sa tulong na rin ng mga donasyon ng mga mapagbigay na Kapuso.
* * *
Uulan na naman ng kasiyahan handog ng GMA Regional TV dahil muling dadayo sa regions ang ilan sa mga paboritong Kapuso stars.
Tiyak na lalong magniningning ang candidates ng Miss Iriga Rinconada Bicol Tourism 2023 na gaganapin ngayong Linggo (June 11) sa Iriga City Sports Center, Iriga City dala ng inspirasyon mula sa mga dadayong Kapuso stars.
View this post on Instagram
Maghahandog ng powerful at entertaining performances sina Asia’s Limitless Star Julie Anne San Jose at Ken Chan. Sina Martin Javier at Sophia Señoron naman ang magsisilbing hosts ng pageant.
Sa darating namang Lunes (June 12), makikisaya ang stars ng “Voltes V Legacy” na sina Miguel Tanfelix, Radson Flores, Martin Del Rosario, at Liezel Lopez sa selebrasyon ng 66th Silay Charter Day Anniversary sa Silay City Public Plaza Covered Court, Silay City, Negros Occidental.
Kinabukasan (June 13), makiki-volt in din sina Miguel, Radson, at Martin sa selebrasyon ng Toboso Fiesta 2023 sa Toboso Municipal Grounds, Toboso City, Negros Occidental. Kasama pa sa paghahatid ng surprises at good vibes ang ‘Hearts on Ice’ stars na sina Ashley Ortega at Roxie Smith.
Siguradong magiging unforgettable at memorable ang karanasan ng mga Kapuso na makikisaya kasama ang mga hinahangaan nilang Kapuso stars.
Kris Aquino pumalag sa mga bashers: Kahit Pasko, pasensyahan tayo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.