Rayver: Ipakikita ko kay Julie na ako ang karapat-dapat niyang mapangasawa
Rayver Cruz at Julie Anne San Jose
NAGBITAW ng pangako sa isa’t isa ang Kapuso couple na sina Julie Anne San Jose at Rayver Cruz sa harap ng milyun-milyong Kapuso viewers.
Yes! On national TV ay nag-promise ang magdyowa na sa any moment ay magle-level up na rin ang kanilang pagmamahalan at umaasang sa kasalan na talaga mauuwi ang kanilang relasyon.
In fairness, kapag nakakausap namin ang JulieVer at ng ilan pang members ng showbiz press ay palagi silang natatanong kung kailan nila planong magpakasal at bumuo ng sariling pamilya.
Ang palagi nilang isinasagot ay darating at darating ang tamang panahon para sa paglagay sa tahimik at ayaw naman daw nilang madaliin ang isang napakaespesyal na bagay para sa isang magkarelasyon.
Baka Bet Mo: Promise ni Rayver Cruz: ‘Malapit na…I will marry Julie Anne San Jose’
Sa episode ng “All-Out-Sundays” nitong nagdaang Linggo, isa rin ito sa natanong ng King of Talk na si Boy Abunda – kung malapit na raw bang ikasal sina Julie Anne at Rayver.
“Tito Boy, ito na seryoso, ang plano ko po talaga ngayong 2025 ay mas maipakita ko pa kay Julie at sa parents niya na ako na talaga ang karapat-dapat niyang mapangasawa sa future,” ang diretsahang sagot ni Rayver.
View this post on Instagram
Tilian at palakpakan ang mga kasamahan nina Rayver at Julie sa Sunday musical-variety show ng GMA na talagang ikinakilig din ng audience.
Hirit na reaksyon naman ni Julie, “Mahal ko talaga si Ray. Wala naman na akong hinahanap na iba eh, so papunta na tayo du’n.”
Sey ni Tito Boy abangers na lang silang lahat kung kailan ang magaganap na kasal at never nang makikialamanna pa sa plano ng dalawa.
“Pero para sa inyong dalawa, all the best in 2025!” hirit pa ng King of Talk.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.