MULI na namang natalakay ng kolumnistang si Cristy Fermin ang isyu ukol sa aktor na si Diego Loyzaga.
Ayon sa kanilang source, hindi raw nagmula sa showbiz world ang babae.
Ilang araw na rin nilang pinag-uusapan si Diego sa show nitong “Cristy Ferminute” kasama si Romel Chika buhat noong Miyerkules, June 7.
Matatandaang noong Miyerkules ay dapat makakapanayam nila ang aktor sa kanilang programa para na rin mag-promote ng bago nitong pelikulang “Will You Be My Ex?” kasama si Julia Barretto ngunit bigla itong nawala matapos ang naging teaser ng programa.
Nabanggit kasi sa teaser ang isyu na isa na siyang ganap na ama at tingin ni Cristy ay baka umiwas itong sagutin ang tanong kaya sinabing hindi na siya makapasok sa streamyard.
Ngunit kinabukasan ay inamin na rin ni Diego sa pamamagitan ng isang Instagram post ang mga haka-haka.
Baka Bet Mo: Diego Loyzaga binalaan ni Cristy Fermin matapos umurong sa 2 interview: ‘Bakit ka natakot, bakit ka naduwag?’
At matapos nga ang kanyang pag-amin ay naging curious ang madlang netizens kung sino ang ina ng kanyang anak lalo na’t wala namang napapabalitang dyowa ang aktor.
Sey ng kasamahan ni Cristy na si Romel Chika, “”Naku syempre, baka yun ang iniiwasan niya. Pero may nakakita po sa kanya, pero di nga natin kilala kasi hindi naman po artista yung babae.”
Segundo naman ng kolumnista, “May nakakita sa kanila noong inaayos ang mga kanilang mga dokumento sa [konsulado] ng Perth, Australia.”
Dagdag pa ni Cristy, “Model daw e.”
Wala pa namang reaksyon o pahayag si Diego ukol sa isyu.
Bukas naman ang Bandera para sa pahayag ng mga indibiduwal na sangkot sa isyu.
Related Chika:
Diego Loyzaga ganap na nga bang ama?
Diego Loyzaga kumpirmadong tatay na: Best birthday gift ever