PHOTO: Instagram/@martinnievera
IBINUNYAG ng batikang singer na si Martin Nievera na makakasama siya sa Las Vegas show ng renowned musician na si David Foster.
‘Yan ang excited na ibinalita ni Martin sa isang Instagram post nitong May 4.
Ayon pa nga sa Pinoy singer, hindi siya makapaniwala na mismong si David ang nag-imbita sa kanya.
“I can not believe I have been asked by David Foster himself to join them [at Wynn Las Vegas] on June 23 and 24!,” sa kanyang caption.
Sey pa niya, “He already has Katharine McPhee and other world class singers with him so to be part of these two nights is truly an honor!”
“This man has been the magic ingredient in every song we all know and have loved for decades! Let’s celebrate his music together!,” ani pa niya sa IG post.
Baka Bet Mo: KZ Tandingan: Hinding-hindi ko po makakalimutan na inampon ako ni Martin Nievera at pinatira sa bahay nila
Dahil sa anunsyo ni Martin, maraming kapwa-celebrities ang natuwa at nagpaabot ng “congratulatory” message.
Ilan na lamang diyan sina Ogie Alcasid, Vina Morales, Jugs Jugueta, Carol Banawa at Amy Perez.
“You so deserve it my brotha!!! Our one and only concert King!!!! So proud and happy for you!!,” komento ni Ogie.
Reply naman ni Jugs, “Because you’re super talented and you have a big heart, that’s why! [red heart emoji].”
Magugunitang naging guest performer din noong nakaraan si Martin sa concert series na ““David Foster and Friends” na naganap noong March 21 hanggang 26 dito sa Pilipinas.
Kilala si David sa mga isinulat niyang hit songs kabilang na ang “After the Love Has Gone” ng Earth, Wind & Fire, “I Have Nothing” ni Whitney Houston, “The Prayer” by Celine Dion at Andrea Bocelli, pati na rin ang “To Love You More” ni Celine Dion.
Related Chika: