PHOTO: Instagram/@glaizaredux
INAMIN ng Kapuso actress na si Glaiza De Castro na naninibago siya sa bagong pinagkakaabalahan bilang isang negosyante.
Magugunitang kakabukas lang ng bagong resort house ng aktres na matatagpuan sa Baler, Aurora.
Sa isang interview with GMANetwork.com, nag-open up siya tungkol sa pagiging first time hands-on business owner.
“Challenging, ibang role siya pero exciting kasi it’s something na hindi ko pa ginagawa before,” sey niya.
Chika pa niya, “Sabi ko nga sa family ko, ngayon lang ako halos tumutok sa business.”
Aminado si Glaiza na mahirap ang pagkakaroon ng negosyo, pero worth it naman daw ang kanyang pagod.
“Before, lagi kong pinapaubaya sa ibang tao, may ibang taong nag-aasikaso. Although here naman, may staff din naman, pero talagang ngayon ako mas nag-invest ng time, ng effort,” dagdag niya.
“Nakakapagod pero worth it naman lahat ng outcome,” saad pa niya.
Noong Marso ay ibinandera ni Glaiza sa pamamagitan ng social media ang pagbubukas ng “Casa Galura.”
Tila napa-throwback pa nga siya sa kanyang childhood memories nang ikinuwento niya sa Instagram kung bakit naisipan niyang mag-invest sa isang resort.
“Siguro dahil ni re-remind niya ako ng childhood ko at noong mga panahon na nakakapag-reunion kaming pamilya. Nakaka-miss lang,” saad niya sa dating post.
Hindi lang ‘yan ang negosyo ni Glaiza sa Baler.
Sa katunayan nga ay mayroon na siyang cafe na binuksan nitong Pebrero.
Matatandaan noong Enero lamang ay naganap ang second wedding ng mag-asawa sa Zambales dahil hindi naka-attend ang pamilya ng aktres sa Ireland wedding ng dalawa noong 2021.
Related Chika:
Angelica, Glaiza wish na makapag-bonding pa rin nang bonggang-bongga kahit may sarili nang pamilya