4 na ‘dermal piercing’ ni Xyriel Manabat na-infect kaya nag-keloid; nagpa-tattoo ng ‘bike’ sa braso, ano kayang meaning?
Ito’y matapos ngang magsugat at magka-keloid ang mga bahaging pinalagyan niya ng hikaw ilang taon na ngayon ang nakararaan.
Ayon kay Xyriel, apat na bahagi ng kanyang katawana ang pinalagyan niya ng hikaw at sa kasamaang-palad lahat daw ng mga ito ay nagkaroon ng infection.
“Mayroon po akong dermal or surface piercing, nag-keloid po siya kasi na-infect,” ang pag-amin ng dalaga sa panayam ng “Magandang Buhay” kahapon.
View this post on Instagram
“Bale apat na dermal piercing. Iba’t ibang timeline pero lahat po infected,” pagpapatuloy pa niya.
Nang tanungin kung balak pa ba niyang ipagawa uli ang mga ito, “Wala na po akong balak. Mahirap po kapag matutulog.”
Last year unang ibinandera ng dating child star ang kanyang chest piercings sa pamamagitan ng ilang litrato na ipinost niya sa social media.
Ilan nga sa mga photos na ipinakita niya sa kanyang socmed followers ay naglalaman ng procedure kung paano ito ginawa.
Samantala, ipinasilip din ni Xyriel sa guesting niya sa “Magandang Buhay” ang kanyang ear piercings at ang ipina-tattoo niyang bike sa kanyang braso.
“‘Yung tattoo ko po is isa lang, minimalist po siya, ‘yung front view po ng bike. For me, representation ng ups and downs.
“Hindi ba ‘yung pedal nasa taas, nasa baba. Nakuha ko ito one of my lowest. Maliit lang po siya pero I know na tatak po ‘yung meaning,” esplika ng dalaga.
Napapanood ngayon si Xyriel sa hit Kapamilya series na “Dirty Linen” na pinagbibidahan nina Janine Gutierrez, Zanjoe Marudo, Janice de Belen, John Arcilla at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.