Miles Ocampo hiyang-hiya kapag nakikita si Judy Ann: Starstruck ako!
Miles Ocampo at Judy Ann Santos
ISA sa mga ultimate wish ng “Eat Bulaga” Dabarkads na si Miles Ocampo ay ang makasama sa isang project ang Queen of Pinoy Soap Opera na si Judy Ann Santos.
Iyan ang inamin ni Miles nang makachikahan ng ilang members ng press pagkatapos pumirma ng management contract kamakailan sa All Access to Artists (AAA) o Triple A Management.
Ang Triple A ay pinamumunuan ng filmmaker na si Michael Tuviera (president at CEO), Jojo Oconer (CFO at COO), at Jackie Cara (head of Operations and Sales).
Dito nga nabanggit ni Miles matagal na niyang pangarap ang makatrabaho si Juday at talagang isa sa mga idol niya sa showbiz pagdating sa bardagulang aktingan ang Kapamilya star.
Nakilala na at nakakausap naman daw ng dalaga si Judy Ann kapag magkakasama sila ng “Eat Bulaga” Dabarkads dahil sa co-host nilang si Ryan Agoncillo, ang mister ni Juday.
View this post on Instagram
“Alam niya po na starstruck ako sa kanya, na minsan sinasaway niya ako kapag nakikita niyang nahihiya ako sa kanya,” chika ni Miles patungkol kay Judy Ann.
“Minsan, may mga party po, like birthday ni Kuya Jose (Manalo), may mga ganu’n. Nakaka-starstruck talaga na tatahimik na lang ako minsan,” sabi pa ni Miles.
Never pa raw siyang nabigyan ng chance na makasama sa serye o pelikula si Judy Ann kahit pa nga nasa ABS-CBN pa siya noon.
“Hindi po talaga, kaya yung hiya ko… siyempre, dream ko yun na maka-work ko.
“Alam ni Kuya Ryan na nahihiya ako. Pero minsan, tumatambay kami sa bahay nila, pero nahihiya pa rin ako,” rebelasyon pa ni Miles.
Sana raw, very soon ay mabigyan na siya ng pagkakataon na makatrabaho ang Teleserye Queen sa isang drama series o movie, “Parang bata pa lang po ako, si Ms. Judy Ann na ang gusto kong makasama.”
Samantala, natanong din si Miles tungkol sa mga kasabayan niya sa showbiz na in fairness, ay very active pa rin hanggang ngayon tulad nina Julia Montes at Kathryn Bernardo.
Sey ni Miles, hindi raw talaga siya yung tipo ng tao na nagkukumpara sa ibang tao tungkol sa mga achievements nila.
“Sabi ko nga noon, di ba, dumating sa point nung bata-bata ako, na naiinip na ko. Na bakit ang tagal? Hanggang dito na lang ba ko?
“Dumating sa point na habang tumatagal ka sa industry, du’n ko napatunayan na hindi naman pala importante na ikaw ang pinakasikat. That’s why I’m here,” saad ni Miles.
“Tsaka du’n ako sa longevity, du’n ako sa hindi mo kailangang maging lead all the time. As long as maganda yung role at na-deliver mo nang maayos,” katwiran ng aktres.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.