PHOTO: Courtesy Columbia Pictures
MAKALIPAS ang halos limang taon, muling aaksyon ang American actor na si Denzel Washington sa iconic film na “The Equalizer.”
Gagampanan ulit niya ang karakter bilang si Robert McCall sa huling chapter ng pelikula na pinamagatang “The Equalizer 3.”
Ang kwento nito ay iikot sa pagbabago sa buhay ni Robert mula nang iwan ang pagiging assassin ng gobyerno.
Mapapanood din sa trailer ng pelikula na umuwi siya sa kanyang tahanan sa Southern Italy, ngunit natuklasan niya na ang kanyang mga kaibigan ay nasa ilalim na ng kontrol ng isang mafia.
At para mailigtas ang kanyang mga kaibigan ay kailangan niyang harapin at sakupin ang mapanganib na grupo.
Bukod kay Denzel, tampok din sa pelikula ang ilang Hollywood actors na sina Dakota Fanning, David Denman at Gaia Scodellaro.
Ang “The Equalizer 3” ay mapapanood sa mga lokal na sinehan sa darating na Agosto.
Matatandaang taong 2014 nang ipinalabas ang unang kabanata ng nasabing pelikula, habang ang ikalawang chapter naman nito ay noon pang 2018 na parehong pinagbidahan ni Denzel.
Related Chika: