Chito Miranda at Gab Chee Kee
TUWANG-TUWA ang mga fans at supporters ng bandang Parokya ni Edgar nang muling mapanood ang gitaristang si Gab Chee Kee na tumutugtog.
Nangyari ito nitong nagdaang Linggo nang muling mag-perform ang Parokya sa isa nilang gig kaya naman abot-langit ang kaligayahan ng buong grupo, lalo na ang lead vocalist nilang si Chito Miranda.
Ito ang unang pagkakataon na nakatungtong uli si Gab sa stage kasama ang kanyang mga kabanda matapos maospital at ma-confine dahil sa sakit niyang lymphoma.
Nagbigay ng update si Chito tungkol sa kundisyon ni Gab kahapon, Abril 24 sa pamamagitan ng kanyang Instagram at Facebook page.
Dito nga niya ipinost ang litrato ni Gab habang naggigitara habang nakikipag-jam sa kanilang gig. Kitang-kita sa itsura ng musikero ang labis na kaligayahan dahil muli nga niyang nakasama ang kanyang banda.
“Nag-jam si Gab kagabi sa Your Song at sa Halaga (don’t worry, nagpaalam sya sa doctor nya, at may kasama syang nurse buong time),” ang simulang pagbabahagi ni Chito sa kanyang IG post.
Inamin ng asawa ni Neri Miranda na nag-worry din siya sa pagtugtog ni Gab nu’ng gabing yun dahil alam naman ng lahat na hindi pa talaga totally magaling ang kaibigan.
“As a bandmate, it was an overwhelming experience. Sobrang saya lang ng feeling na naka-jam si Gab ulit…nakakakilabot,” sey pa ni Chito.
“Sabi ko nga, kung hindi nyo kami tinulungan, wala na siguro si Gab ngayon…pero now, he’s slowly getting his strength back, and is on his way to making a full recovery,” aniya pa.
Dagdag pa ng OPM icon, patuloy pa rin ang pagpapagamot ni Gab at “slowly winning” na aniya ito sa iniindang karamdaman.
Narito ang ilan sa mga comments ng netizens sa muling pagtugtog ni Gab.
“Nakakainspired makita si idol Gab performing again. At mas nakaka admire po ang grupo nyo idol Chito Miranda …salute sa samahan ng Parokya.”
“Nakakainspire Gab!! Isa kang tunay na mandirigma!! So happy for you and PNE. Been a huge fan of PNE simula bata pa ko. Continue to be Legendary!!” komento ng isang fan.”
“Ito yung nakakatuwa, from hospital bed to stage gig. Laban lang sir Gab! May God always guide and protect you from any infection and exacerbation.”
“Nakaka amaze at nakaka touch nung napanood ko ulit si Gab mag perform. Solid talaga ng parokya, walang iwanan at walang kalimutan!”
“Because… YOU’RE THE INCREDIBLE ABSORBING MAN… derecho lang sa pag sagwan idol Gab…. WE LOVE YOU…!”
“Isa sa mga highlight ng event nung sabado. Sobrang solid nyo!!”
“Napaka solido po nung gabi na yun.. may naramdaman akong kurot sa puso ko nung narinig at nakita si Kuya Gab na nasa stage kumakanta at naggigitara.. yung kurot na hindi masaket pero kurot na malambing may dalang saya para sa aming mga taga pakinig nyo.. maraming maraming salamat po sa isang gabi na hindi malilimutan mula sa amin na taga hanga nyo.”
“Nakakatuwa makita na sobrang solid ng banda ng Parokya. Mula ng mga tingting palang sila hanggang lumobo, gang magkapamilya walang iwanan kahit pa sa karamdaman. Ibang klase! Long live Parokya ni Edgar.”
“Yyoooowwwwwnnnnn slowly but surely kuya gab.. praying for your fast and full recovery. walang iwanan sa parokya band.”
Gab Valenciano diagnosed bilang pre-diabetic; nais maging better para sa sarili