Indie director kinuwestiyon ang mga nanalo sa Summer MMFF, Atty. Joji Alonso umalma: ‘Are you saying that the winners did not deserve to win?’
Enchong Dee, Maris Racal, Joji Alonso at ang iba pang cast members ng ‘Here Comes The Groom’
ANG saya-saya ng mood ni Quantum producer Atty. Joji V. Alonso noong Gabi ng Parangal ng 1st Metro Manila Film Festival na ginanap sa New Frontier Theater nitong Martes.
Halos iuwi ng pelikulang “About Us But Not About Us ” ang lahat ng awards matapos itong nakakuha ng 10 (out of 16). Isa ang Quantum Films sa producer ng pelikula.
Nakaapat namang awards ang pelikulang “Here Comes the Groom” na Quantum Films din ang producer with Brightlight Productions and Cineko Productions.
Sa nabanggit na Gabi ng Parangal ay lahat ng mga nanalo ay pinaakyat sa entablado for pictorial purposes at para personal na ring mabati ng lahat ng bumubuo ng SMMFF jurors sa pangunguna ng Golden Globe nominee na si Dolly de Leon.
Pero ilang oras pa lamang ang nakararaan ay heto’t may post na si Atty. Joji sa kanyang Facebook account na kinukuwestiyon ang indie director at actor na si Emmanuel dela Cruz dahil sa mga post nito tungkol sa mga nanalo sa dalawang pelikula.
Ayon sa post ni Atty. Joji, “Emmanuel Dela Cruz, May I know if this is your way of questioning the credibility of the esteemed members of the jury of the First Summer MMFF Dolly de Leon, Joey Javier Reyes, Toff de Venecia, Mario Escobar Bautista, Rolando Tolentino, Che-Che Ona, Tim Orbos, Honorable Arenas, Honorable Lim and Victor Neri?
“Are you saying that the winners did not deserve to win??? Or is it simply because, you have a beef with me?
“Why fault someone who risks hard earned money to produce films not knowing if the money will ever come back?
“Why not use your energy and talent to write and direct films instead?
Baka Bet Mo: Tony Labrusca cleared na sa kasong ‘acts of lasciviousness’
“Jun Robles Lana, Perci Intalan and Christopher Martinez and the rest of the winners do not deserve to be dragged into this. They are decent people who deserve every accolade they have earned now and over the years!
“The Philippine film industry needs saving right now! And what have you done to help?” ang kabuuang mensahe ni Atty. Joji.
Isa-isang ipinost ng Quantum Films producer ang naging komento ni Mr. Emmanuel dela Cruz sa mga nag-post tungkol sa winners ngayong 1st Summer MMFF.
Sabi ni Gina Marissa Tagasa sa kanyang FB account, “The world loves winner! Congratulations to all the deserving best of the best. Let’s continue to support the Summer Metromanila Filmfestival 2023 by watching these films (winner or not, winner’s pa rin naman lahat). Mabuhay ang mahuhusay na Pelikulang Pilipino (clappings hands emoji).”
Komento ni direk Emman, “Nakakalungkot though Manay na ‘yung isang producer lang nagdominate sa lahat ng nominees and awards.”
Sumagot ang isa sa miyembro ng jury na si Direk Jose Javier Reyes, “As part of the jury…and after six hours of deliberation, it is not about who produced what…but which of the works is the best among the best.”
Hindi rin nagpatinag ang indie director dahil sinagot niya ang premyadong direktor ng, “A festival that was meant to re-unify and re-ignite…Hopefully just did that.
“And not just created a new divisiveness amongst industry players and stakeholders.
“Hoping for the best. And for the better MMFF like the 2016 one. And hopefully we’ve all learned painfully from that.”
Marami kaming nabasang komento sa post ni Atty. Joji na nagtataka kung bakit kinailangang kuwestiyunin ni direk Emman ang mga nanalo.
Isa na riyan ang writer na si Noreen Capili, “Wala pa akong nabasa o narinig na bad reviews sa Here Comes the Groom at About Us But Not About Us. Pati ‘yung Love You, puro praises nababasa ko. Deserving ang lahat ng winners. Congratulations, Attorney!”
Sabi naman ni Ginoong Eugene Asis, ang presidente ng samahan ng mga entertainment editors na SPEEd, “All winners are deserving and walang nakakalungkot do’n, period.”
Mula naman sa wife ng aktor na si Rez Cortez na si Gng. Candy Cortez, “Buti nga at may nagpo-produce pa! Happy lang tayo. Grabe na ang dinulot ng pandemic! Maging positive naman sana.”
Mula sa manunulat ng libro at movie reviewer na si Pablo Tariman, “I fully agree with jury’s choices 200 per cent! No ifs and buts about that. Been reviewing festival entries since 1979. Dapat walang personalan sa mga hindi nanalo.”
Komento ng premyadong direktor at aktres na si Laurice Guillen, “6 hours of deliberations! Hindi minadali.”
Sabi naman ng spokeperson ng Metro Manila Film Festival na si Noel Ferrer, “We will continue to support and help each other and our industry. THANK YOU Atty. Joji Alonso!”
May netizen na nagsabing, “I don’t think he is in the position to question the credibility of the jurors. Papansin lang siguro siya.”
Samantala, nagpadala kami ng mensahe kay Atty. Joji kung nakatrabaho na niya si direk Emmanuel dela Cruz o baka naman may project itong inilapit sa nasabing producer at hindi napagbigyan pero hindi pa kami nasagot hanggang matapos naming sulatin ang balitang ito.
Kit Thompson waging best actor sa 54th WorldFest-Houston sa Texas para sa ‘Belle Douleur’
Kasalanan ba ni Spider-Man kaya mahina ang mga pelikulang ka-join sa 2021 MMFF?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.