James Reid may ‘cryptic post’ tungkol sa lipunan, may pinapatamaan nga ba?
PHOTO: Instagram/@james
USAP-USAPAN sa social media ang ibinanderang “cryptic post” ng aktor at talent manager na si James Reid.
Curious tuloy ang madlang pipol kung may pinatatamaan nga ba ang aktor?
Sa Twitter inilahad ni James ang tila nag-ibang opinyon ng isang lipunan.
Caption niya, “Society: Be yourself!
Also Society: No not like that…”
Society: Be yourself!
Also Society: No not like that…
— James Reid (@tellemjaye) March 3, 2023
Sa nasabing tweet, mababasa ang iba’t-ibang sentimyento ng ilang netizens tungkol dito.
“Be yourself but be grateful to those who were instrumental to your success. In short, don’t bite the hands that fed you.. especially if bano naman kayo umarte..”
“Be yourself, but don’t be ungrateful. And you can also be whatever you want to be, but there’s no need for an ad campaign to showcase you as it will come off as less authentic.”
“ok lang maging be yourself pero maging mapagpasalamat. If you want to rebrand then do it without hurting anyone.”
Kamakailan lang ay naging “talk of the town” ang inilabas na YouTube vlog ng mina-manage na aktres ni James na si Liza Soberano.
Marami kasi ang nadismaya at hindi sumang-ayon sa mga naging pahayag ng dalaga tungkol sa bagong direksyon ng kanyang karera.
Gayunpaman ay naging proud si James kay Liza dahil pinagkatiwalaan siya ng aktres sa bagong career.
“Proud and happy for you @lizasoberano. I know it takes a lot of courage to go against the grain, to choose the harder path because that’s what you believe in,” saad ni James sa isang Instagram Story.
Dagdag pa niya, “Thank you for trusting us with your hopes and dreams.”
Matatandaang noong June 2022 ay lumipat si Liza sa pangangalaga ng Careless Music, ang record label at management agency ni James.
Related chika:
Maxene Magalona nagbabala tungkol sa mga pekeng kaibigan: ‘They are very, very real’
Jean Garcia may ‘cryptic quote’ kasabay ng muling pagbabalikan nina Jennica at Alwyn
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.