Miss Manila pageant ‘pet project’ ni Mayor Honey

Katuwang nina Manila Mayor Honey Lacuna-Pangan (gitna) at (mula kaliwa) Charlie Duñgo ng Manila Department of Tourism, Culture and Arts at Vice Mayor Yul Servo Nieto ang KreativDen Entertainment na kinakatawan nina (mula kanan) Vice President Dorothy Laxamana at CEO Kate Valenzuela para sa 2023 Miss Manila pageant./ARMIN P. ADINA

NANG maluklok si Maria Sheilah “Honey” Lacuna-Pangan bilang Manila mayor noong 2022, ang unang babaeng naupo sa puwesto, sinabi niyang isa sa “pet projects” niya ang pagbabalik ng Miss Manila pageant, na huling itinanghal noon pang 2018 sa ilalim ng panunungkulan ni Mayor Joseph Estrada.

“Since I started as the city mayor, I already asked the Department of Tourism, Culture and the Arts if we could relaunch the Miss Manila. It’s our way of promoting gender equality here in the city of Manila,” tugon niya nang tanungin ng Inquirer sa relaunching program sa Bulwagang Villegas ng Manila City Hall noong Marso 1.

“It’s also our way of tapping all the other ‘Manileñas who can be a leader like me, or probably who could help the city with all other programs, particularly those focused on women,” pagpapatuloy pa niya, sinabing naghahanap ang patimpalak ng babaeng may “WOW factor, WOW—women of worth,” na dapat ay “true leader, nurturer, and of course, change maker.”

Nagbahagi pa si Lacuna-Pangan ng ilang impormasyong pangkasaysayan kaugnay ng pageantry, at sinabing sa Luneta sa Maynila itinanghal ang kauna-unahang beauty contest sa bansa, ang Carnival Queen noong 1908 kung saan kinoronahan ang manunulat at aktibistang si Pura Villanueva Kalaw mula Iloilo, na sinabi niyang kumilos upang mabigyan ng karapatang makaboto ang kababaihan sa bansa.

“After so many years, the third Manila Carnival Queen was from Manila, who happens to be the daughter of [Kalaw], Maria Kalaw Katigbak. Siya po ay ipinanganak sa Sampaloc. Siya po ang nag-iisang babaeng Senador noong panahon na iyon. It just goes to show that pageantry isn’t just about beauty,” sinabi ng alkalde.

Noong 1998, inilunsad ng yumaong Manila Mayor Alfredo Lim ang Miss Manila pageant na tumakbo nang ilang taon. Binuhay itong muli ni Estrada noong 2014 at nagpatuloy hanggang 2018. Mula noon, nakatuklas ito ng mga Manileñang nagtagumpay sa pambansa at pandaigdigang mga patimpalak—sina 2016 Mutya ng Pilipinas Ganiel Akrisha Krishnan at 2015 Miss Earth Angelia Ong.

Sa pagbabalik ng patimpalak, sinabi ni Lacuna-Pangan na umaasa siyang makahihirang ng reynang totoo sa kaniyang sarili. “She has to love herself first before she can love others. She should embody the traits of a true Manileña. And she should be a strong advocate for all of the rights of all women,” hinayag niya.

Upang tulungan ang pamahalaang lungsod at ang Manila Department of Tourism, Culture and Arts sa adhikaing ito, katuwang nila ang KreativDen Entertainment sa pagtatanghal ng patimpalak ngayong taon.

“This is really exciting. It’s good that it’s the first woman mayor Manila has, and it’s nice to relaunch the pageant and strengthening the voice of women,” tugon ni KreativDen Vice President Dorothy Laxamana nang tanungin ng Inquirer kung bakit nila tinanggap ang proyekto.

Sinabi niyang nagustuhan ng pangkat ang mithiin ng patimpalak, at agad na naisip na kuhanin si 2018 Miss Universe Catriona Gray bilang host. “She had a project when she was Miss World [Philippines] in 2016, which is called ‘Paraiso: The Bright Beginnings Project,’ where she raised funds for children from the Smokey Mountain, which is in Tondo, Manila. So she is the best ambassador that we picked to host the pageant,” ipinaliwanag ni Laxamana.

Bukas ang 2023 Miss Manila pageant sa mga babaeng mula 18 hanggang 30 taong gulang na nakatira sa lungsod. Maaaring pumunta sa www.missmanila.ph upang maghain ng aplikasyon. Itinakda sa Hunyo 24 ang coronation night.

Related Chika: