Rex Smith may exclusive concert sa Winford Manila
Ang kilalang banyagang singer na si Rex Smith na nagpakilig sa maraming Filipino fans ay magkakaroon ng concert sa Winford Resort & Casino Manila sa February 22, 8 PM.
L to R: Nagsama-sama kailan lang ang Filipino balladeers na sila Joaquin Garcia (left) at JV Decena (right), U.S. singer na si Rex Smith, International Council for Small Business president Eric Caeg, Philippine Marketing Association president Sy Bryan Lato, at Winford Winford Resort & Casino Manila president & COO Jeffrey Evora para sa press conference ng concert ni Smith sa Maynila.
Namayagpag noong dekada ’80 si Smith na nagpasikat ng mga kantang You Take My Breath Away, Simply Jessie, Everlasting Love, at marami pang iba.
Sa nakaraang press conference na “Let’s Make a Memory With Rex Smith” ipinahayag ni Smith ang pagpapasalamat niya sa mga Filipino fans sa mainit na pagtanggap sa kanya.
“The Philippines is the most musical nation in the world. It is.”, ayon kay Smith “It brings me joy that I have not only been accepted, but embraced by the country.”
L to R: Singer na si Rex Smith kasama sina International Council for Small Business president Eric Caeg, Philippine Marketing Association president Sy Bryan Lato, at Winford Resort & Casino Manila president & COO Jeffrey Evora sa press conference ng concert ni Smith sa Maynila.
Ayon sa beteranong artist lalo pa siyang napalapit sa kanyang Filipino fans noong isilang ang kanyang half-Filipino na apo. Bago ang pandemic, dalawang beses sa isang taon ay nagkakaroon si Smith ng concert sa Pilipinas.
“There is nothing more exhilarating for an artist that’s almost a quarter of a century, I’m still here and (my music) still resonates with the Filipino nation,” ani Smith.
Ang naturang concert ay pinangunahan ng Winford Resort & Casino Manila sa pakikipag-ugnayan sa Philippine Marketing Association (PMA) at sa International Council for Small Business (ICSB).
Ayon kay PMA president Sy Brian Lato, inaasahang magbabalik na ang mga foreign acts at malaki ang maitutulong nito sa pagpapalawig ng concert tourism sa bansa.
Mabibili ang tickets sa concert sa Winford Resort & Casino Manila. Maaring tumawag sa (02) 8528 3600. Ang halaga ng ticket ay PhP2,500 para sa VIP section at PhP2,000 para sa Deluxe section.
ADVT.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.