Julie Anne, Rayver lumebel sa mga Korean stars, sinorpresa ng fans sa shooting na may pasabog na coffee truck
Rayver Cruz at Julie Anne San Jose
ANG bongga-bongga naman ng mga fans and supporters ng celebrity couple na sina Julie Anne San Jose at Rayver Cruz!
In fairness, mga yayamanin ang mga tagasuporta ng dalawang Kapuso stars dahil sa dala nilang pa-surprise nang bumisita sila sa shooting ng kanilang mga idol.
Yes, yes, yes mga ka-Marites! Bukod nga sa personal nilang pagbisita sa set ng latest project ng JulieVer ay niregaluhan pa nila ang mga ito ng coffee truck!
Base sa mga photos na nakita namin sa social media, ang mga fans na nagtungo sa set ng kauna-unahang pelikulang pagsasamahan nina Julie at Rayver na “The Cheating Game,” under GMA Public Affairs ay ang mga miyembro ng JulieVer Space Ship at JulieVer Fansclub International.
View this post on Instagram
Mababasa sa poster na nakalagay sa coffee truck, nais lamang daw pasayahin at mag-share ng good vibes ng mga supporters nina Rayver at Julie para makadagdag ng excitement sa movie.
Ang mga paandar na coffee at food trucks na ipinadadala ng mga fans ay ginagawa rin sa South Korea kung saan talagang nag-e-effort ang mga tagasuporta ng mga Korean stars sa pagpapadala ng food and drinks sa set ng kanilang mga series at movies.
“Thank you guys, much love,” ang caption ni Julie Anne sa ipinost niyang photo sa Twitter.
Bukod dito pinasalamatan din ng Asia’s Limitless Star ang JulieVer fans sa pamamagitan ng Instagram Stories.
“Thank you JulieVerse fam forda sarprays and set visit we love you all,” mensahe ng dalaga na bukod sa coffee truck ay nakatanggap din ng bouquet of flowers mula sa fans.
Sabi naman ni Rayver sa kanyang Instagram Story, “Grabeee we love you guys!”
Kape ni Kim Chiu robot ang nagtimpla: Isn’t it amazing! Nakakabilib na talaga ang technology ngayon!
John Prats sumakay sa dump truck para makapag-report sa Showtime
Hiwalayang Sunshine Cruz-Macky Mathay kinumpirma ni Mayor Francis Zamora?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.