Denise Julia nilantad mga screenshot tungkol sa rebelasyon ni BJ Pascual

Denise Julia, BJ Pascual

NGAYONG araw mismo ng Pasko napagdesisyunan ng R&B singer na si Denise Julia na sagutin ang kinasasangkutan nilang kontrobersya ng celebrity photographer na si BJ Pascual.

Tulad ng naipangako niya sa publiko, magsasalita siya ngayong December 25 para ipagtanggol ang sarili sa mga akusasyon sa kanya ni BJ Pascual tungkol sa pag-atras umano ng kanyang team sa isang photoshoot.

Pinangalanan kasi ni BJ sa podcast ni Killa Kush last Friday, December 20, nang tanungin kung sino ang “worst celebrity/model to shoot” base sa ilang taon niyang pamamayagpag bilang ace photographer.

Sey ni BJ, bigla raw nag-cancel ang team ni Denise sa napag-usapan nilang photoshoot para sa cover photo ng  album ng singer. Tumanggi rin umano sina Denise nang singilin nina BJ dahil sa pagkansela sa project.

Baka Bet Mo: Denise Julia nag-‘socmed detox’ muna; BJ Pascual gigil na gigil sa singer

Mas na-bad trip pa sina BJ nang hindi man lang daw nag-sorry sa kanila ang grupo ni Denise Julia. Dahil dito, marami ang nambasag sa singer at mabilis na naging trending topic sa social media.

At ngayong Christmas Day nga, binasag na ni Denise ang kanyang katahimikan para sagutin ang sinabi ni BJ na siya ang “worst” personality na nakatrabaho nito.

Sa pamamagitan ng kanyang Instagram Stories, nagpaliwanag ang “B.A.D.” singer about the issue at sinabing hindi sila ang nagkansela ng photoshoot. In fact, nag-reach out pa sila sa celebrity photographer.

Narito ang ilang bahagi ng explanation ni Denise, “Despite us following up many times and not getting replies for weeks at a time… We were patient and pushed back our deadlines to accommodate BJ’s schedule because we knew he was booked and busy.

“I actually had to move my release date because I wanted to respect the fact that he was working and he had a lot of things to do,” aniya.

Ipinost din niya ang screenshots ng naging conversation nila ng manager ni BJ kung saan mababasa na ang initial budget nila para sa shoot ay P650,000 na naging P800,000 na mas mababa pa rin sa asking price ng team ni BJ na mahigit P1 million.

“BJ’s team did not get back to us about this budget despite my manager checking in and following up to make sure that the budget is doable to begin with because we can’t really have a shoot date without us being sure if the budget is even feasible for them.

“Because on our end, we understand if this is not something that they can work with. We would’ve pulled back immediately already from the start if they had only told us that this is not doable for them, that’s not the price range that they can work with. We will respect that,” ang sey pa ni Julia na sinabi pang super fan talaga siya ni BJ.

Ayon pa sa singer, nakipag-negotiate pa ang kanyang manager kina BJ, “I know in the podcast they said I was the one who cancelled on the shoot, but in reality, my manager was still trying to make it work.

“He suggested to push the shoot to a later date so that none of the team’s efforts go to waste and also so that cancellation fees don’t incur, but ultimately at the end, BJ’s team, not us, cancelled the shoot, citing the differences in our production processes,” aniya pa.

Inako naman ni Denise na nagkamali rin siya dahil hindi niya agad kinausap si BJ pagkatapos ng isyu, “It was because I didn’t know the extent of his frustrations until everything aired out on social media and it blew off of proportion. It is something that I will take with me as I move forward with work.”

Nagpadala rin daw siya ng message kay BJ at humingi ng apology sa mga nangyari.