PHOTO: Courtesy Paramount Pictures International
MUKHANG muling mananakot ang American actress na si Jenna Ortega matapos ang matagumpay niyang thriller hit series na pinamagatang “Wednesday.”
Tampok kasi siya sa bagong horror film na may titulong “Scream VI” na nakatakdang ipalabas sa mga lokal na sinehan sa March 8.
Ang inilabas na official trailer ng nasabing pelikula ay puno ng mga nakakagulat na eksena.
Mapapanood din ang mas agresibong pag-atake ng kontrabida na si “Ghostface” sa mga target na suspek.
Ilan sa mga makakasama ni Jenna sa horror film ay sina Melissa Barrera, Jasmin Savoy Brown, Mason Gooding, Hayden Panettiere, Courteney Cox at marami pang iba.
Para sa kaalaman ng marami, ang “Scream” franchise ay mayroon nang limang pelikula, isang television series at laro.
Ang unang pelikula ay inilabas noong 1996 at ito ang naging highest-grossing horror film sa buong mundo hanggang sa natalo ng pelikulang “Halloween” noong 2018.
Ang ikalawang entry naman ng Scream ay inilabas noong 1997, ang ikaapat ay noong 2000 at ang huli ay noong nakaraang taon lamang.
Related chika:
Ate Vi binalikan ang pagiging Darna at Dyesebel; umaming nasaktan sa sampal ni John Lloyd