Ice Seguerra at Choppy
LABIS na nagdadalamhati ngayon ang singer-actor na si Ice Seguerra sa biglaang pagkamatay ng kanyang alagang aso.
Hanggang ngayon ay hindi pa rin makapaniwala ang OPM icon at singer-songwriter sa kalunus-lunos na sinapit ng kanyang pet dog na si Choppy.
Sa kanyang Instagram account, malungkot na ibinahagi ni Ice kahapon, December 14, na pumanaw na si Choppy matapos mabiktima ng hit-and-run.
Nag-post si Ice ng ilang litrato nila ni Choppy sa IG noong nabubuhay pa ito at nilagyan ng caption na, “My sweet boy, Choppy, was killed today.
“He was a victim of a hit and run.
“I still can’t believe this is happening,” sabi ng singer-composer at direktor.
Sabi pa ni Ice, wasak na wasak ang kanyang puso sa sinapit ng alagang aso, “Durog na durog ako. Choppy ko… akala ko pag-uwi magkasama na tayo ulit.
“Sobrang sakit, Chop,” aniya pa.
Sa comments section ng Instagram post ni Ice, sunud-sunod ang mensahe ng pakikiramay at pakikidalamhati ng kanyang mga followers kabilang na ang ilang celebrities.
Comment ni Martin Nieverra, “Oh my god Ice! I am so so so sorry. My heart breaks with yours. I don’t know what else to say. My thoughts and prayers are with you.”
Pahayag naman ni Jed Madela, “Oh nooooooo!!! Yakap, Ice.”
“Oh noooo!! Isang mahigpit yakap,” pakikiramay ni Neri Miranda.
Mensahe ni Gary V, “WHAT?!?!?!?!! OMG Ice!!! I’m so sorry about this. Love you Ice.”
Matatandaang noong January, 2022 ay mamatayan din ng alagang aso si Ice, ito ay ang kanyang 13-year-old pug dog na si Porky.
Sabi ng award-winning singer, enlargement of heart at lung problem ang naging dahilan ng pagpanaw ni Porky. Binigyan pa nila ng kanyang asawang si Liza Dino ng maayos na libing ang nasabing aso.
Carla Abellana emosyonal sa pagkawala ni Cherie Gil: I will never forget you
Heart Evangelista humingi ng tulong para makita ang nawawalang aso; P50k reward para sa makakahanap
Robin iniligtas ng alagang aso nang makaranas ng matinding depresyon: Siya ang nagbuwis ng buhay