#IkawNa: Andrea Brillantes may ‘Dyesebel’ na may ‘Drag You & Me’ pa
Andrea Brillantes
NGAYON pa lang ay abangers na ang LGBTQIA+ community sa bagong proyekto ng Kapamilya actress na si Andrea Brillantes sa ABS-CBN.
Pagkatapos mapabalita na siya ang gaganap sa bagong version ng “Dyesebel” ay si Andrea rin ang napiling bumida sa upcoming Kapamilya series na “Drag You & Me” mula sa iWantTFC.
Last Monday, ibinandera ng Dreamscape Entertainment sa kanilang official social media accounts ang naganap na story conference para sa nasabing serye.
“I am so thankful na ako ang napili nila. Exciting ang series na ito and excited din ako kasi alam ko na marami rin akong matututunan about it.
“Gusto ko na ‘yung generation namin ay mas maging open. Hindi lang generation ko, lahat, maging open sa community na ito at suportahan,” pahayag ni Andrea sa panayam ng ABS-CBN.
View this post on Instagram
Makakasama rin sa “Drag You & Me” sina 5th EDDYS best actor Christian Bables, JC Alcantara, Romnick Sarmenta, KaladKaren Davila, at ang mga tunay na drag queens na sina Brigiding, Viñas Deluxe at Precious Paula Nicole.
“This is something na excited akong maipakita sa mga tao,” ang chika ni Christian.
Sey naman ni JC, “Nu’ng pini-pitch sa akin ito that time tapos biglang sinabing drag queen, sabi ko, game ako kasi macha-challenge ako lalo.”
“Bago na naman ito sa tingin ng mga tao. Ang magiging center pa ng story ay story ng mga drag queens,” sabi naman ni Brigiding.
Ka-join din dito sina Ice Seguerra, Jon Santos, Lance Carr, PJ Endrinal, Jeric Raval, Amy Nobleza, Yves Flores, Noel Comia Jr. at Xilhouete.
Chika ni Ice, “I am actually happy. It’s been a long time since I did a show, a show that has very… masasabi ko na yung topic is very close to my heart. Through this show ‘Drag You & Me’ makikita ng mga manonood na, hey ‘yung LGBT family pala ay pareho rin pala nang mga pinagdadaanan kagaya ng mga normal families.”
Sabi naman ni Jon, “This kind of storytelling ay nami-miss ko na. It’s a very nice story that I’m very willing to tell.”
Ang “Drag You & Me” ay mula sa direksyon ni JP Habac at mapapanood sa iWantTFC sa pagpasok ng 2023.
Nadine tuloy ang concert para sa mga Golden Gays, drag queens: You are loved and valued!
Kim Chiu, Xian Lim muling magsasama sa pelikula, KimXi fans abangers na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.