PHOTO: Instagram/@officialjudayph
KABOG ang kaarawan ng panganay na anak ng celebrity couple na sina Judy Ann Santos at Ryan Agoncillo.
Binigyan nila ng engrandeng debut party si Yohan sa isang hotel sa Makati nitong Sabado, November 19.
Sa Instagram, ibinandera ng sikat na event designer na si Gideon Hermosa ang mala-”Euphoria” na tema ng party.
Caption pa niya, “e’re giving all sorts of #Euphoria vibes for this debut! Now who is ready to party? #Gideonized #Yohanation #Euphoria #GideonizedDebut”
Makikita rin sa IG stories ng event designer ang bonggang pink off-shoulder na gown ni Yohan.
Tadtad rin ng post mula sa event ang isa pang Instagram account ng celebrity mom na “Official Juday PH” at makikita ang ilan sa mga naging highlights ng party.
Isa na riyan ang dance performance ng mag-amang Yohan at Ryan na bigay todo sa pagsasayaw sa kantang “Dynamite” ng K-Pop group na BTS.
Bukod sa mga pamilya at kaibigan, ilan pa sa mga dumalo sa debut party ay si Megastar Sharon Cuneta na kasama ang kanyang mister na si Kiko Pangilinan at mga anak na sina Frankie, Miel at Miguel.
Pero bago ang party, nakapag-post pa sa Instagram ng isang heartfelt message si Juday para sa anak noong nakaraang linggo.
Ang birthday kasi talaga ni Yohan ay noon pang November 8.
Sa IG post, napa-senti mode ang aktres at inalala pa noong isinilang ang panganay na anak.
Sinabi rin ni Juday kung gaano sila kaswerte na magkaroon ng anak na tulad ni Yohan.
Sey niya sa post, “18 years.. just like that, time does really fly fast my love… 24 years ago i started praying for a baby when i turn 26.. in the same year that i turned 26, God gave me you.. and how lucky i am to have you.. you taught me a lot.. and up until now mommy’s still learning.”
Patuloy pa sa caption, “We grew up together.. literally.. and we are both blessed to have dad to guide and experience life and love with all our imperfections.. this we promise you.. life is tough my love.. friends come and go.. but, family.. is permanent..
“Wherever you wanna go.. whatever you want to be.. we will be here for you .. always and forever.. happy 18th our big buding.. we love you, with all of our hearts. (red heart emoji),” mensahe ni Judy Ann.
Related chika:
Judy Ann Santos kay Angelica Panganiban: Isa ako sa mga taong nagmamahal at napakasaya ko para sayo
Angelica Panganiban umiyak ng 3 oras, Judy Ann Santos to the rescue