PHOTO: Instagram/@mrandmrsfrancisco
NAKAKALOKA ang naging rebelasyon ng bunsong anak ng Kapamilya celebrity couple na sina Melai Cantiveros at Jason Francisco.
Paano ba naman kasi, sa murang edad na 5 years old ay luma-love life na si Stela.
Ibinandera mismo ni Melai ang pag-amin ni Stela sa isang TikTok video at Instagram post.
May pabirong caption pa si Melai na, “Totoo pala ang Genes??????”
Mapapanood sa video na kilig na kilig at napapasigaw pa nga ang bunsong anak ni Melai habang nagkukwento.
Chika ni Stela, “Diba crush ko si Sam, di mo pa alam guys.”
Bigla pa niyang sinabi na, “Tapos crush ako ni Sam.”
Nabanggit din ni Stela na magkasing edad lang sila ng kanyang crush.
“He is 5 years old like me,” sabi ng tsikiting.
Tila nawindang si Melai sa kanyang nalaman at tinanong pa sa anak, “Paano mo nalaman na crush ka niya?”
kaagad naman siyang sinagot ni Stela at sinabing, “Na-ask ko siya.”
Makikita rin sa video ang naging reaksyon ng kanyang ama na si Jason na naging speechless at sinabi nalang na normal lang ang magkaroon ng crush.
Sey ni Jason, “It’s normal, it’s normal.”
Maraming netizens naman ang natuwa sa video ni Stela at karamihan sa kanila ay napa-sana all nalang.
Narito ang ilan sa mga nabasa naming komento sa viral post.
“Hahahaha cutie! Sana all crush back ng crush mo.”
“HAHAHHAHAHAAHHAHAAHHAAH SANA ALL NA CCRUSHBACK”
“Hahaha sene el krasss bigyan mo chicken nuggets Bebe hahaha”
“kakatuwa sya! (red heart emoji) ang cute cute din! grabe yung kilig sa dulo.”
As of this writing ay isang araw palang uploaded ang video at umaani na ito ng mahigit three million views sa TikTok, habang sa Instagram naman ay may libo-libo na itong like at comments.
Related chika:
Para kay Melai Cantiveros ‘di dapat mawala si Hesus sa pagdiriwang ng Pasko
Momshie Melai sa birthday ng kanyang ‘Best Enemy’: I’ve never feel this hate. Char lang!
Pinoy viewers may powers makialam sa ‘The Chosen One’ nina Melai at Jhong: ‘You get to play God!’