Coleen super proud sa pagkapanalo ni Billy sa ‘Dancing With The Stars’: ‘A kind, humble man who works hard, dreams big for his family’
SUPER proud si Coleen Garcia sa bagong achievement ng asawang si Billy Crawford matapos tanghaling champion kasama ang kanyang partner sa French version ng “Dancing with the Stars.”
Ibinandera ng Kapamilya actress ang pagkapanalo ni Billy sa nasabing reality talent show kalakip ang litrato nito habang hawak ang kanyang trophy.
“Words cannot express how PROUD I am of you, my love,” ang simulang pagbati ni Coleen sa kanyang pinakamamahal na asawa sa pamamagitan ng Instagram.
In fairness, deserving naman talaga si Billy bilang grand champion sa 12th season ng “Danse Avec Les Stars” dahil sa consistent na pagpapakita niya ng galing sa pagsasayaw.
Pero agad namang nilinaw ni Coleen na hindi lang basta tungkol sa titulo at trophy ang pagmamalaki niya kay Billy, may mas malalim pa raw na kahulugan ito para sa kanilang mag-asawa.
“Not just for WINNING this difficult competition, but for growing into the person you have become: a kind, humble man who works hard, dreams big for his family, shoots for the stars and makes sure to lift as many people up with him along the way,” mensahe pa ni Coleen kay Billy.
Sa pagsisimula pa lang ng “Dancing with the Stars” ay naging crowd favorite agad ang actor-singer, sa katunayan tinawag pa siyang “Billy the Favorite” ng mga manonood.
Bawat performance nila ng kanyang partner na si Fauve Hautot ay pak na pak sa mga judges. Sa katunayan, binigyan pa sila ng standing ovation ng mga judges sa unang episode pa lang.
Pagdating ng semi-finals, halos nakakuha ng perfect score sina Billy at Fauve nang humataw sila along to Maneskin’s “Let’s Get It Started” and Snow Patrol’s “Chasing Cars.”
At sa kabila nga ng pagkakaroon ng back injury, nagawa pa rin ni Billy na makaabot sa grand finals. Sabi pa niya, “It hurts a lot, but I like it. It’s my life. I want to dance.”
“It has been an amazing experience and such a pleasure to dance on a daily basis. To all the artists, judges, my dance partner who became my sister @fauvehautot , pro dancers, prod, TF1, thank you for this blessing and making my job worth loving!” mensahe pa ni Billy.
Inialay pa niya ang kanyang performance kay Coleen at sa anak nilang si Amari, “To my wife and my son, this is for you!”
Sa huling laban, humataw sina Billy at Fauve sa contemporary dance with the song “L’Enfer de Stromae.” dito nakakuha sila ng 53.5% audience votes.
“I don’t believe it, it’s a dream for me,” expressed an emotional Billy as he received his trophy. I can’t believe it!” sabi ni Billy matapos itanghal na champion.
Ito naman ang unang pa-shoutout ni Coleen sa social media nang manalo ang asawa, “You are an AMAZING person, and I am soooo so blessed that our son gets to look up to you and have you as his Dad.
“You amaze me every time. I love you, and I’m SO HAPPY for you! You deserve all of this and more,” sabi ni Coleen.
“I LOVE YOU SO MUCH and thank you soooooooooooo much for just EVERYTHING,” ang reply naman ni Billy sa kanyang wifey.
Read more:
Billy Crawford itinanghal na grand champion ng ‘Dancing with the Stars’ sa France
Billy Crawford pasok sa grand finals ng ‘Dancing with the Stars’ sa France
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.