Coleen Garcia buntis sa Baby No. 2 nila ni Billy Crawford: Round 2, let’s go!
Billy Crawford, Coleen Garcia at Amari
IBINANDERA ng celebrity couple na sina Billy Crawford at Coleen Garcia na madadagdagan ang miyembro ng kanilang pamilya.
Yes! Confirmed na nga mga ka-BANDERA! Buntis na uli si Coleen sa ikalawang baby nila ni Billy.
Sa pamamagitan ng Instagram, in-announce ng mag-asawa ngayong araw, April 13, na magiging kuya na ang kanilang panganay na si Amari.
Makikita sa IG post ni Coleen ang mga litrato at video kung saan obvious na obvious na ang lumalaki niyang baby bump.
Suot ang kanyang green two-piece bikini, mapapanood sa video ang aktres na nakatayo sa may swimming pool. At habang ipinakikita ang kanyang lumolobong tiyan, biglang lumapit sa kanya si Amari at humalik sa tiyan niya.
Sumunod naman na umentra sa video si Billy at hinalikan sa ulo si Amari.
Ang nakasulat sa IG post ni Coleen, “Round 2, let’s go! We’re so excited to meet you, baby!
View this post on Instagram
“More than halfway there! Thank you, Lord, for another blessing. Amari can’t wait to be a big brother!” sey pa niya sa caption.
Ikinasam sina Coleen at Billy noong 2018 at makalipas ang dalawang taon, isinilang naman ang panganay nilang si Amari.
Maraming nag-congratulate sa mag-asawa kabilang na ang mga kapwa nila celebrities.
“Wooow! Congratulations!” pagbati ni Karen Davila.
“Well, hello there!” comment ni KC Montero.
Ang iba pang bumati kina Coleen at Billy ay sina SB19 Stell, Chynna Ortaleza, Elisse Joson, BJ Pascual, Jessy Mendiola, Jugs Jugueta, Julie Anne San Jose at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.