Roberta Tamondong naiyak sa mga mamahaling regalo mula sa fans: Thailand is surely my second home…
PHOTO: Instagram/@roberta.tamondong
NAIYAK sa tuwa si Miss Grand International 5th runner-up Roberta Tamondong sa umaapaw na pagmamahal na kanyang natatanggap mula sa fans sa Thailand.
Viral ang isang TikTok video na kung saan ay naging emosyonal ang beauty queen matapos makatanggap ng mga mamahaling regalo.
Makikitang binigyan siya ng brand new iPad Air at Apple Pencil.
Bukod pa riyan ay nakatanggap din siya ng isang sash na puno ng pera.
Ibinandera ng Toktok user na “@unofficialphcrown” ang viral video noong November 10 at may caption pa itong, “Dito ko lang makikita na ang yaman talaga ng fans sa thailand (clapping hands emoji) lez go na s thailand char (Grinning Face with Sweat emoji)”
@unofficialphcrown Dito ko lang makikita na ang yaman talaga ng fans sa thailand 👏 lez go na s thailand char 😅 #robertatamondong #missgrandinternational #philippines #pageantsph #fyp #foryou #foryoupage ♬ Unholy – Sam Smith & Kim Petras
Libo-libong netizens naman ang napa-comment sa video at kahit sila ay nagulat sa kanilang napanood.
Narito ang ilan sa mga nabasa naming komento.
“OMGGG ang lala ng mga Thai fans (crying emoji) Jusko hanggang like and share lang kaming mga pinoy.”
“Pagdasal ka na lang namin Roberta (Face with Tears of Joy emoji) wala kami pambili niyan e hahahhahahahha”
“iba ang thai fans!!!! love it! deserve ni Roan!!”
May post din sa Instagram si Roberta na ipinapakita ang mga regalo sa kanya ng Thai fans at lubos siyang nagpapasalamat sa kanila.
Sinabi rin ng Pinay beauty queen na itinuturing na niyang second home ang Thailand.
Caption niya, “This is really a big amount of surprise guys!
“To my Roberta Official Thai Fan, Tropang Roberta, and to my Fans from Vietnam Thank you so much always being there for me. I don’t know what I did to deserve this but i’ll make sure to put smiles on everyone’s faces.”
Aniya, “Thailand is surely my second home. (pleading face emoji) (heart hands emoji)”
View this post on Instagram
Kasalukuyang nasa Thailand si Roberta dahil isinagawa ang kanyang official crowning ceremony sa Miss Grand International.
Ibinandera niya rin ito sa kanyang IG at sinabing, “Still can’t believe it… no words can describe this beautiful moment for me.
“A big Thank you to @missgrandinternational @teresa.mgi @nawat.tv for officially welcoming me into the Grand family.”
View this post on Instagram
Matatandaang noong October 31 nang opisyal nang itinalaga ang pambato ng Pilipinas bilang 5th runner-up sa Miss Grand International 2022 matapos magbitiw sa titulo si Yuvna Gookool ng Mauritius.
Ayon sa pageant organization, nag-resign si Yuvna dahil hindi raw nito kayang gampanan umano ang tungkulin.
Pero itinanggi naman ito mismo ng beauty queen at sinabing “fake news” ito.
Read more:
Roberta Tamondong itinalagang ‘5th runner-up’ sa Miss Grand International
Brazil waging Miss Grand International; Bb. Pilipinas Roberta Tamondong umabot sa Top 20
Bb. Pilipinas Roberta Tamondong handang ‘tumambling’ para sa korona
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.