Elmo Magalona single na single pa rin, hindi atat magkadyowa uli: Ang dami pa kasing nangyayari sa mundo…
Elmo Magalona
HINDI nagmamadali ang Kapamilya actor-singer na si Elmo Magalona na magkaroon ng girlfriend.
Matagal-tagal na ring single si Elmo at wala ring nababalita na may nililigawan siya. Sa pagkakaalam namin, ang huli niyang naging karelasyon ay si Janella Salvador.
Ayon kay Elmo, ine-enjoy pa rin niya ang kanyang single life at naniniwala siya na darating din ang tamang panahon para magkaroon ng bagong girlfriend.
“I am just taking it easy. Okay naman. ‘Yun lang just being patient, ang dami kasing nangyayari sa mundo,” ang pahayag ng binata sa Inside News ng Star Magic.
Aniya pa, “I am just being patient lang with things right now. Ang dami pa namang nangyayari around us.”
View this post on Instagram
Sa tanong kung nakikita ba niya ang sarili na papasok sa isang seryosong relasyon anytime now, “There are so many things to work on na I wouldn’t want naman my partner to get pressured or mag-sacrifice sila so much for the relationship.
“I just rather work on myself para when the time comes since I’ve been working on myself, masasabi ko na when I’m ready na for it. But right now, I am just being patient lang, just taking my time for things,” tugon ni Elmo.
Matatandaan noong 2020, ibinandera ni Elmo na he’s in a relationship with a non-showbiz girl. Nag-post pa siya noon sa social media ng litrato nila together kalakip ang kanyang sweet message para sa naturang babae.
Ngunit, binura din niya ito at sinabing, “I’d like to apologize to her, and her family for my actions and putting them in such a position. I don’t want to be taking away anybody’s privacy from them.”
Napapanood ngayon si Elmo sa Kapamilya hit series na “2 Good 2 Be True” na pinagbibidahan nina Kathryn Bernardo at Daniel Padilla.
https://bandera.inquirer.net/312870/hindi-namin-kayo-bibiguin-sam-verzosa-ng-tutok-to-win-partylist
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.