Sandara Park
“I’VE never dated anyone for that long!” Ito ang nakakalokang rebelasyon ng K-pop idol na si Sandara Park tungkol sa kanyang past relationships.
Ayon kay Sandara, handang-handa na siyang pumasok sa seryoso at pangmatagalang relasyon dahil mas emotionally stable na siya ngayon sa edad na 37.
Nag-guest ang tinaguriang Pambansang Krung Krung ng Pilipinas (noong nasa ABS-CBN pa siya) sa Korean variety show na “Problem Child in House” kamakailan at dito nga siya naglabas ng saloobin tungkol sa kanyang lovelife.
Sabi ng dating member ng K-pop girl group na 2NE1 napakarami niyang kuwento at chika about her dating experiences.
“I really want to date someone for a long time. I live alone now, and things are much better with my life. I’ve also become more mature. I’m ready for that,” pahayag ni Sandara.
Pagbabahagi pa ng Korean actress at singer, noong active member pa siya ng 2NE1, meron talagang ipinatutupad na dating ban ang kanilang entertainment agency na YG Entertainment.
Ito’y para mapangalagaan daw ang
image ng kanilang talents and artists. Sey ni Sandara, “I’m a cyber lover. I listened to every word that our agency head told me before. There was no dating rule for some time, and I abided by the rule.
“Even when my boyfriend said he was at the apartment complex where our dorm was, I told him that I couldn’t go out to see him,” pag-amin pa niya.
Dumating naman daw yung araw na pinayagan na rin siyang makipag-date ng kanilang management. Pero knows n’yo ba kung bakit hindi nagegetsing ng South Korean media ang kanyang pakikipag-date kung saan-saan?
“Well, it’s because I always break up before our photos are ever taken. I break up before any rumors start to spread. That’s why. I’ve never dated anyone for that long,” pagri-reveal ni Sandara.
Samantala, hanggang ngayon ay usap-usapan pa rin ng mga fans ang pag-attend ni Sandara sa Paris Fashion Week kung saan talagang agaw-eksena ang inirampa niyang nga OOTD.
Nag-viral din ang litrato ng pagkikita nila sa nasabing fashion event ng Filipino-American TikTok creator at singer na si Bella Poarch.