Joshua Garcia, Gabbi Garcia magtatambal daw sa bonggang collab ng ABS-CBN at GMA 7
ANG tambalang Joshua Garcia at Gabbi Garcia ang bibida sa bagong collaboration ng ABS-CBN at GMA 7 base sa pahayag ng isa naming source sa Kapamilya network.
Ang Dreamscape Entertainment na pinamumunuan ni Deo T. Endrinal ang magpo-produce ng first project together nina Joshua at Gabbi.
Nabanggit pa ng aming source na, “Si Gabbi ang choice nila na nababagay for Joshua at siyempre idinaan din sa survey yun. Saka si Gabbi rin ang binanggit ng GMA for him (Joshua).”
In-imagine rin namin na puwede ngang magtabal ang dalawa dahil hindi naman nagkakalayo ang kanilang edad.
Hindi pa kinlaro sa amin kung TV series o pelikula na ipo-produce ng iWant ang gagawin ng dalawang artista ng Kapamilya at Kapuso networks.
Tiyak na ngayon pa lang ay excited na ang supporters nina Joshua at Gabbi sa bago nilang project lalo’t ito nga ang unang beses na magsasama sila.
“That’s the exciting part. Ha-hahaha! Joshua at Gabbi, what do you think? Click, di ba?” sabi pa ng aming kausap.
Nagtanong kami sa isang TV executive ng GMA tungkol dito pero hindi pa niya kami sinasagot. Pinadalhan din namin si Sir Deo ng mensahe hinggil sa nasabing Gabbi-Joshua project.
Ito ang naging sagot niya sa amin, “Hi Reggee. Hindi pa yan confirmed. Pag may linaw na update kita.”
View this post on Instagram
* * *
Ang tarush ni Maja Salvador dahil kasama siyang makakatanggap ng Asia’s Pinnacle Awards 2022. Ang award ay ibinibigay sa mga successful Filipino in business.
Ang actress turned producer kasama ang fiance niyang si Rambo Nunez ay kaagad napansin ng nasabing award giving body dahil sa saglit na panahon ay napansin na kaagad ang itinatag nitong Crown Artist Management in terms of producing shows, events at iba pa.
Bukod pa sa hataw din ang mina-manage nitong mga artista tulad nina John Lloyd Cruz, Miles Ocampo, Jasmin Curtis Smith, ang kapatid ni Maja na si Jessie Salvador na kasama sa “Oh My Korona” sitcom na napapanood ngayon sa TV5 tuwing Sabado.
Speaking of “Oh My Korona” ay patuloy na nagbibigay saya si Maja at ang kanyang mga kasama rito gaya nina Joey Marquez at RK Bagatsing.
Isa na namang kuwelang episode ang umere noong nakaraang Sabado na balak nang ibenta ni Lablab (Maja) ang Korona Residences at habang naglilinis ay sinabihan niya si Emy (Queenay) na tanggalin ang mga kahon.
Pero narinig ito ni Gerry (Pooh) at inakala na may paaalisin si Lablab sa Korona Residences. Halo-halong mga nakatatawang eksena ang naganap sa mga karakter kaya nakakwiwiling subaybayan ang sitcom na ito mula sa direksyon ni Ricky Victoria.
Related Chika:
Gabbi Garcia naiyak sa muling pagpirma ng kontrata sa GMA; type sumabak sa LGBTQ project
Bella Poarch hindi napigilan ang ‘pagkahumaling’ kay Joshua Garcia
Trina Guytingco kay Joshua Garcia: Thanks rumored boyfriend!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.