Chito jackpot kay Neri: Pinaghirapan ko lahat kung bakit ko siya napasagot at kung bakit niya ako pinakasalan
Chito Miranda at Neri Miranda
PINAGHIRAPAN muna nang bonggang-bongga ni Parokya ni Edgar frontman Chito Miranda ang panliligaw at panunuyo kay Neri Naig-Miranda bago niya ito napasagot.
Aminado ang premyadong OPM icon na hindi niya basta nakuha ang matamis na “oo” ng kanyang wais na misis dahil marami rin siyang ginawa para mabihag ang puso ng aktres.
Sa kanyang Instagram account, nag-post ang isa sa mga “Idol Philippines” judge ng litrato ni Neri kalakip ang nakakakilig na caption na pinusuan at ni-like kanyang followers.
“Yup…nagyayabang lang talaga ako sa post na ‘to.
“Asawa ko sya, at inlab na inlab sya sa akin.
“Jackpot talaga ko eh!” panimulang hirit ng singer-songwriter.
Patuloy pa niya, “Pero di lang ako basta umasa sa swerte kung bakit ako naka-jackpot…pinaghirapan ko lahaaat ng dahilan kung bakit nya ako pinansin, kung bakit ko sya napasagot, kung bakit nya ako minahal ng todo todo, at kung bakit nya ako pinakasalan.
“Naniniwala ako sa swerte, pero luck favors those who work hard, and I realized early on, na the harder I work, the luckier I become.
View this post on Instagram
“And everything I worked for made me more equipped, and made me lucky enough to catch a girl as amazing, and as beautiful as her,” pahayag pa niya.
Isa pa raw sa nagustuhan niya sa asawa ay, “And what makes her more beautiful and amazing, is that being beautiful is not her priority.
“Yes, she tries her best to look nice, but her real priority is to make sure na palagi syang may bagong natututunan to constantly improve herself…always learning, palaging nagre-research, hindi naniniwala na ‘hanggang dito nalang sya’ tulad ngayon, after graduating, MBA naman.
“Iba talaga eh.
“Ayun…kaya ako swerte, at kaya ako naka-jackpot sa kanya!” pahayag pa ni Chito patungkok kay Neri.
Sa comments section, sinagot agad siya ng kanyang wifey, “Naaaaks! Inlab na inlab. Mukhang may inorder na naman to… bagong baril ba? Kakuntsaba mo ba ang @czphilippines? Nanalo ka ng raffle?”
https://bandera.inquirer.net/290192/chito-muling-pinuri-ang-asawa-napakaganda-ni-neri-medyo-weird-pero-sobrang-bait
https://bandera.inquirer.net/281494/bakit-nga-ba-nawala-si-chito-at-ini-report-sa-pulis-ng-pamilya-at-mga-kaibigan-noong-2010
https://bandera.inquirer.net/315729/chito-inamin-kung-paano-napasagot-si-neri-i-made-sure-na-hahanap-hanapin-niya-ako
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.