Donny, Belle tuloy ang pag-ariba bilang magka-loveteam, binabagyo ng swerte: ‘We didn’t expect this but we are grateful’
Donny Pangilinan at Belle Mariano
HINDI na talaga maaawat ang pag-ariba at pagbongga ng showbiz career nina Donny Pangilinan at Belle Mariano bilang phenomenal loveteam ng ABS-CBN.
Siyempre, abot-langit ang pasasalamat ng tambalang DonBelle sa Kapamilya network na nagtiwala sa kanila kasabay ng sunud-sunod nilang mga projects.
Isa na nga riyan ang kanilang hit series na “He’s Into Her” na nakadalawang season na sa iba’t ibang platforms ng Kapamilya network.
In fairness, talagang consistent ang pagiging number one ng programa sa iWant TFC bukod pa sa palagi itong napapasama sa mga top trending topic sa social media kaya naman binansagan na ang Donbelle bilang isa sa most promising loveteam ngayon.
Pahayag ni Donny sa pagtitiwala sa kanila ng mga bossing ng ABS-CBN, “We’re very happy that they gave us the trust. I know it’s hard also to invest in something that you’re not sure of, so the fact that they chose us to be the lead of this series, a big series, sobrang nagpapasalamat kami.
View this post on Instagram
“The fact that they saw our potential and what it could possibly be is a great blessing and we’re just glad that this was the outcome.
“We couldn’t have imagined this the first day that they told us na, yun nga, magiging part kami ng He’s Into Her. So, ayun lang, we couldn’t have imagined this,” sabi pa ng binata sa finale presscon ng “He’s Into Her.”
Sey naman ni Belle, “We didn’t expect this but we are grateful.”
Sa lahat naman ng fans na nagtatanong kung may season 3 pa ang “He’s Into Her”, mukhang hindi na nga ito masusundan pa dahil mismong ang writer na ng show na si Vanessa Valdez at direktor nitong si Chad Vidanes ang nagsabi na wala na itong extension o part 3.
Mapapanood na ang finale ng serye sa August 3 sa iWant TFC at sa August 7 sa A2Z Channel 11, Kapamilya Channel, at Kapamilya Online Live.
Alam na rin daw nina Donny at Belle na hanggang second season lang talaga ang “He’s Into Her.” Sabi ni Donny, “I think when they pitched us the second season, the understanding was hanggang doon lang.
“So, I think we kind of prepared for it but you can never really prepare for an ending naman talaga, especially when it’s been close to your heart for a couple of years now.
“So, I feel when the concert comes, doon mas lalo yung emotions talaga kasi makikita namin yung supporters namin,” sey ng binata.
Ayon naman kay Belle, “Noong season one, ganito rin, di ba, na parang nag-expect tayo na hanggang season one lang.
“So, you’ll never really know. But as far as we know, hanggang season two lang talaga.”
Samantala, last Wednesday, July 16, ibinandera rin ng Star Cinema na may gagawin ding pelikula ang DonBelle. Ito ang first Star Cinema movie na ipalalabas sa mga sinehan during the pandemic.
Ani Belle tungkol dito, “Well, actually, ito na lang masasabi ko, yung susunod naming gagawing project, mas mature naman.”
Natatawa namang chika ni Donny, “Pero hindi naman mature roles!”
Paglilinaw ni Belle, “Appropriate for our age. Yes, mature pagdating sa acting.”
Promise naman ni Donny, “Iba ito, iba ito. Very different.”
https://bandera.inquirer.net/309151/donny-kay-belle-wala-rin-akong-nakikitang-ibang-gusto-o-makasama-kundi-siya
https://bandera.inquirer.net/283477/donny-proud-na-proud-sa-hes-into-her-pero-umaming-nape-pressure-dahil
https://bandera.inquirer.net/312677/belle-donny-umamin-na-kaya-sa-tunay-na-estado-ng-relasyon-pagkatapos-ng-eleksyon
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.