Aubrey sinisi ang sarili sa pagkakaroon ng ASD ni Rocket: Sabi ko, ‘Ako ba ‘yan? What did I do? Yung genes ba namin?
Troy Montero, Aubrey Miles at Rocket
SINISI ni Aubrey Miles ang sarili nang malaman nila ng asawang si Troy Montero na may Autism Spectrum Disorder (ASD) ang bunso nilang anak na si Rocket.
Inamin ng aktres na may pagkakataong kinuwestiyon niya ang kanyang pagiging ina dahil sa naging kundisyon ng kanyang bunso.
Base sa pahayag ng Centers for Disease Control and Prevention, ang ASD ay “developmental disability caused by differences in the brain. Some people with ASD have a known difference, such as a genetic condition. Other causes are not yet known.”
“People with ASD may behave, communicate, interact, and learn in ways that are different from most other people. There is often nothing about how they look that sets them apart from other people.
“The abilities of people with ASD can vary significantly. For example, some people with ASD may have advanced conversation skills whereas others may be nonverbal. Some people with ASD need a lot of help in their daily lives; others can work and live with little to no support.”
Nu’ng una ay talagang naghahanap raw sina Aubrey at Troy ng mga kasagutan kung bakit nagkaroon ng ASD si Rocket at kung saan sila nagkamali habang ipinagbubuntis ang bata.
Kuwento ni Aubrey sa panayam ni Toni Gonzaga na mapapanood sa YouTube channel nito, noong one and half years old pa lang si Rocket ay kakaiba na ang kilos kumpara sa kanyang mga kuya.
View this post on Instagram
“I have two kids so alam ko yung development ng kids. So, with her, sabi ko parang may iba siya. She doesn’t acknowledge her name. Ayun yung first.
“When I say ‘Rocket,’ sige, sabi ko baka naman sa two (years old) she doesn’t look,” kuwento ni Aubrey.
Tandang-tanda pa rin ng celebrity couple ang kanilang naramdaman at naging reaksyon nang sabihin sa kanila ng doktor na may Autism Spectrum Disorder si Rocket.
Pahayag ni Troy, “Parang we got punched kasi it’s official na nga.
“Although may feeling na there was really something, but once it’s official, it’s like, ‘Oh, wow! It took us how long for it to sink in,” aniya pa.
Kasunod nga nito, naluha na si Aubrey nang aminin kay Toni na pakiramdam niya ay kasalanan niya ang nangyari kay Rocket.
“You want to blame yung sarili mo kasi as a mom, parang, ‘Ako ba ito?'” sey ng aktres habang umiiyak.
“You blamed yourself?” tanong uli ni Toni na sinagot ni Aubrey ng “Yes. Sabi ko, ‘Ako ba ‘yan? What did I do? Yung genes ba namin?’
“Sabi ko, ‘Bakit? Hindi naman ako nag-diet noong time na iyon,'” dagdag niya.
Ngunit sabi raw ng doktor sa kanya, hindi niya kasalanan ang nangyari kay Rocket at hanggang ngayon ay wala pang tiyak na dahilan kung bakit nagkakaroon ng ASD ang isang bata.
Sinabi rin ng doktor sa kanila na wala pang nadidiskubreng gamot o lunas sa mental condition ng anak pero maaaring mapabuti ang ang kalagayan ng mga ito pamamagitan ng therapy.
Samantala, sinabi naman ni Troy na wala namang bakas ng sakit ang kanilang bunso dahil masayahin itong bata.
“After the diagnosis, for me, I was thinking, you know, she laughs, she plays with us.
“She’s still a breath of fresh air. And when you see her, she’s so happy. And I’m, like, if this is autism for us, I’ll be okay with it. She’s happy. We’re very lucky she’s very happy,” sey ni Troy.
Ayon pa sa mag-asawa, si Rocket ang nagsisilbing inspirasyon nila sa buhay at siyang nagpapatatag sa kanilang pamilya.
“I’m crying because we can say it, kasi before parang it was so hard. Sabi ko, ‘Nakakahiya ba yun na baka kung anong sabihin nila?’
“Now, I’m happy that I’m open and I’m, like, ‘You know what? We can do this,'” pahayag pa ni Aubrey.
https://bandera.inquirer.net/317395/anak-nina-troy-at-aubrey-na-may-asd-unti-unti-nang-nagpapakita-ng-progress-improvement
https://bandera.inquirer.net/314614/aubrey-tuwang-tuwa-sa-ginawa-ng-anak-na-may-asd-she-just-learned-to-call-me-mama
https://bandera.inquirer.net/312461/aubrey-miles-may-bonggang-wish-para-kay-rocket-ill-always-be-there-for-you-anyway-i-can
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.